ശ്രീകണ്ഠാപുരം വാർത്തകൾ

കുടിയാന്മല: ‘ഭൂമിയെ സംരക്ഷിക്കുക, സ്നേഹിക്കുക’ എന്ന സന്ദേശം ഭാവി തലമുറയുടെ വാഗ്ദാനങ്ങളായ കുട്ടികളിലേക്ക് പകർന്ന് നൽകുകയെന്ന ലക്ഷ്യവുമായി വൈഎംസിഎ കുടിയാന്മല യൂണിറ്റിൻ്റെ ആഭിമുഖ്യത്തിൽ നടപ്പാക്കുന്ന പ്രകൃതി സംരക്ഷണ പദ്ധതി കുടിയാന്മല സ്കൂൾ മാനേജർ ഫാ.പോൾ വള്ളോപ്പിള്ളി വൃക്ഷത്തൈ നട്ട് ഉദ്ഘാടനം ചെയ്തു. അധ്യാപകരുടെയും കുട്ടികളുടെയും രക്ഷിതാക്കളുടെയും സാന്നിധ്യത്തിൽ കുടിയാന്മല ഫാത്തിമ യുപി സ്കൂൾ ഗ്രൗണ്ടിന് ചുറ്റും വൃക്ഷത്തൈകൾ നട്ടുപിടിപ്പിച്ച് പദ്ധതിയുടെ ആദ്യഘട്ടം നടപ്പാക്കി. വൈഎംസിഎ പ്രസിഡൻ്റ് ജിമ്മി ആയിത്തമറ്റം, പ്രോഗ്രാം കോ ഓർഡിനേറ്റർ മാത്യു കുടക്കച്ചിറ, സ്‌കൂൾ മുഖ്യാധ്യാപിക മിനി ഏബ്രഹാം, വിനോദ് കാപ്പിൽ, ദേവസ്യാച്ചൻ അറയ്ക്കപ്പറമ്പിൽ, സാലി മുണ്ടാപള്ളി എന്നിവർ പ്രസംഗിച്ചു. ജോൺസി അറയ്ക്കപ്പറമ്പിൽ, ജോസ് മുണ്ടാപള്ളി, ആനി മാത്യു കുടക്കച്ചിറ, മോളി ജോസഫ് കുടക്കച്ചിറക്കുന്നേൽ തുടങ്ങിയവർ നേതൃത്വം നൽകി. ▪️ റിപ്പോർട്ടർ: തോമസ് അയ്യങ്കനാൽ