ശ്രീകണ്ഠാപുരം വാർത്തകൾ

ചെറുപുഴ: കത്തോലിക്ക കോൺഗ്രസിന്റെ ആഭിമുഖ്യത്തിൽ സംഘടിപ്പിച്ച ലോക പരിസ്ഥിതി ദിനാചരണത്തിന്റെ തലശേരി അതിരൂപതതല ഉദ്ഘാടനം ചെറുപുഴ ഫൊറോനയിലെ മുളപ്പറയിൽ വെച്ച് നടന്നു. അതിരൂപത പ്രസിഡന്റ് ഫിലിപ്പ് വെളിയത്ത്, യൂണിറ്റ് ഡയറക്ടർ ഫാ. കുര്യാക്കോസ് അറയ്ക്കൽ എന്നിവർ ചേർന്ന് ഇലഞ്ഞി മരത്തിന്റെ തൈ നട്ടുകൊണ്ട് ഉദ്ഘാടന കർമ്മം നിർവ്വഹിച്ചു. ചടങ്ങിൽ കത്തോലിക്ക കോൺഗ്രസ് അതിരൂപത സെക്രട്ടറി ജയിംസ് ഇമ്മാനുവൽ, മുളപ്പറ യൂണിറ്റ് പ്രസിഡന്റ് മോഹൻ പുള്ളിക്കാട്ടിൽ തുടങ്ങിയ പ്രമുഖ നേതാക്കളും ഭാരവാഹികളും പങ്കെടുത്തു. പരിസ്ഥിതി സംരക്ഷണത്തിന്റെ പ്രാധാന്യം സഭാംഗങ്ങളിലേക്കും പൊതുസമൂഹത്തിലേക്കും എത്തിക്കുക എന്ന ലക്ഷ്യത്തോടെ കൂടുതൽ ഹരിതവൽക്കരണ പദ്ധതികൾ നടപ്പിലാക്കുമെന്ന് ഭാരവാഹികൾ ചടങ്ങിൽ അറിയിച്ചു. ▪️ റിപ്പോർട്ടർ: തോമസ് അയ്യങ്കനാൽ