ശ്രീകണ്ഠാപുരം വാർത്തകൾ

കുടിയാന്മല: സംസ്ഥാന ലൈബ്രറി കൗൺസിലിൻ്റെ സഹകരണത്തോടെ നടത്തിവരുന്ന വായനക്കളരിയുടെ ഭാഗമായി കുടിയാന്മല ഹിൽ സ്റ്റാർ ലൈബ്രറിയുടെ ആഭിമുഖ്യത്തിൽ വിവിധ പരിപാടികൾ സംഘടിപ്പിച്ചു. ഏരുവേശി ഗ്രാമപഞ്ചായത്ത് വായനശാലാ നേതൃസമിതി സെക്രട്ടറി ജോഷി കുന്നത്ത് ഉദ്ഘാടനം ചെയ്തു. കുടിയാന്മല വായനശാല പ്രസിഡൻ്റ് കെ.എസ്. ജോർജ് കൊച്ചു കുടിയാത്ത് അധ്യക്ഷത വഹിച്ചു. വായനയുടെ ആവശ്യകതയെ സംബന്ധിച്ച് ഐശ്വര്യ മൂലത്തുമ്പിൽ കുട്ടികൾക്ക് ക്ലാസെടുത്തു. ലൈബ്രറേറിയൻ സുജ പ്രസംഗിച്ചു. വായനശാല ഭാരവാഹികൾക്കൊപ്പം കുട്ടികൾ പോസ്റ്റ് ഓഫിസ്, പോലീസ് സ്റ്റേഷൻ എന്നിവിടങ്ങളിൽ സന്ദർശനം നടത്തി. ▪️ റിപ്പോർട്ടർ: തോമസ് അയ്യങ്കനാൽ