ശ്രീകണ്ഠാപുരം വാർത്തകൾ

പയ്യാവൂർ: മലയോര ഹൈവേയിൽ പയ്യാവൂരിനും ചമതച്ചാലിനും ഇടയിലുള്ള ഭാഗത്ത് റോഡിലേക്ക് നീണ്ട് തിങ്ങിവളർന്ന കാടുകൾ നീക്കം ചെയ്യാൻ എത്രയും വേഗത്തിൽ നടപടി സ്വീകരിക്കണമെന്ന് പ്രദേശവാസികൾ ആവശ്യപ്പെട്ടു. റോഡരികിലെ അടയാള ബോർഡുകളടക്കം മറയുന്ന രീതിയിൽ കാടുകൾ വളർന്നത് വാഹന ഗതാഗതത്തിനും കാൽനട യാത്രക്കാർക്കും വലിയ തോതിലുള്ള തടസമാണുണ്ടാക്കുന്നത്. നിത്യവും നൂറുകണക്കിന് വിദ്യാർത്ഥികൾ സഞ്ചരിക്കുന്ന റോഡിൽ എതിരെ വാഹനങ്ങൾ വരുമ്പോൾ റോഡരികിലേക്ക് മാറി നടക്കാൻ കഴിയാത്ത അവസ്ഥയാണ്. ഈ സാഹചര്യത്തിൽ അപകടാവസ്ഥ ഒഴിവാക്കാൻ കാടുകൾ ഉടനടി നീക്കം ചെയ്യണമെന്നാണ് നാട്ടുകാർ ആവശ്യപ്പെടുന്നത്. ▪️ റിപ്പോർട്ടർ: തോമസ് അയ്യങ്കനാൽ