ശ്രീകണ്ഠാപുരം വാർത്തകൾ

വായാട്ടുപറമ്പ്: ലോക പരിസ്ഥിതി ദിനാചരണത്തോടനുബന്ധിച്ച് വായാട്ടുപറമ്പ് സെന്റ് ജോസഫ് ഹയർ സെക്കൻഡറി സ്കൂളിലെ റോവർ, റേഞ്ചർ ക്ലബിന്റെ ആഭിമുഖ്യത്തിൽ വിപുലമായ പരിപാടികൾ സംഘടിപ്പിച്ചു. സ്കൂൾ വളപ്പിൽ വൃക്ഷത്തൈ നട്ടുകൊണ്ട് പ്രിൻസിപ്പൽ റിൻസി ജോസഫ് ദിനാചരണത്തിന്റെ ഉദ്ഘാടനം നിർവ്വഹിച്ചു. ചടങ്ങിൽ റോവർ, റേഞ്ചർ യൂണിറ്റ് ലീഡർമാരായ സനീഷ് ജോസഫ്, മിനി ആന്റണി എന്നിവർ പരിപാടികൾക്ക് നേതൃത്വം നൽകി. അധ്യാപകരും വിദ്യാർത്ഥികളും ചടങ്ങിൽ പങ്കാളികളാവുകയും പരിസ്ഥിതി സംരക്ഷണ സന്ദേശം ഉയർത്തിപ്പിടിച്ച് ക്യാമ്പസിൽ വിവിധയിടങ്ങളിൽ തൈകൾ നടുകയും ചെയ്തു. ▪️ റിപ്പോർട്ടർ: തോമസ് അയ്യങ്കനാൽ