ശ്രീകണ്ഠാപുരം വാർത്തകൾ

ശ്രീകണ്ഠാപുരം: കണ്ണൂരിൽ നിന്നും ചെമ്പേരി വഴി ഏറ്റുപാറയിലേക്ക് പോവുകയായിരുന്ന ശ്രേയസ്സ് ബസ്സ് ചുണ്ടക്കുന്ന് എസ്റ്റേറ്റ് ഗെയ്റ്റി നടുത്ത് വെച്ച് അപകടത്തിൽപ്പെട്ടു. ചുണ്ടക്കുന്ന് ഇറക്കത്തിൽ വെച്ച് മറ്റൊരു വാഹനത്തിന്‌ സൈഡ് കൊടുക്കുമ്പോൾ ബസ്സിന്റെ ചക്രം ജൽ ജീവൻ പൈപ്പ് കുഴിയിൽ താഴുകയും കുഴിയിൽ നിന്നു കയറ്റാനുള്ള ഡ്രൈവറുടെ ശ്രമത്തിനിടയിൽ ബസ്സിൻ്റെ ലീഫ് പൊട്ടുകയും ബ്രേക്ക് തകരാറിലായതോടു കൂടി ബസ്സ് നിയന്ത്രണം നഷ്ടപ്പെട്ടു മുന്നോട്ടു കുതിച്ചു.  ഡ്രൈവർ മനസാന്നിദ്ധ്യം വിടാതെ റോഡരുകിലുള്ള മതിലിനിടിച്ചു ബസ്സ് നിർത്തി വലിയൊരപകടത്തിൽ നിന്നും യാത്രക്കാരെ രക്ഷപ്പെടുത്തി. ബസ്സിൽ 30ളം യാത്രക്കാരുണ്ടായിരുന്നു. നിസ്സാര പരിക്കുകളോടെ എല്ലാവരും രക്ഷപ്പെട്ട ആശ്വാസത്തിലാണ് .ബസ്സ് മതിലിൽ ഇടിച്ച ശബ്ദം കേട്ട് നാട്ടുകാർ ഓടിയെത്തി രക്ഷാപ്രവർത്തനം നടത്തി.