ശ്രീകണ്ഠാപുരം വാർത്തകൾ

ചെമ്പേരി: ഏരുവേശി ഗ്രാമപഞ്ചായത്ത് പരിധയിലെ കൃഷിയിടങ്ങളിൽ വർധിച്ചുവരുന്ന കാട്ടുപന്നികളുടെ ശല്യത്തിനെതിരെ കർഷകരുടെ നിരന്തരമായ പരാതികൾ പരിഹരിക്കാൻ പന്ത്രണ്ടോളം ഷൂട്ടർമാരുടെ സംഘം വേട്ടയാടൽ ആരംഭിച്ചു. മലയോരമേഖലയിൽ കാട്ടുപന്നികളുടെ ശല്യം രൂക്ഷമായ സാഹചര്യത്തിലാണ് എം പാനൽ ഷൂട്ടർമാരുടെ സേവനം പഞ്ചായത്ത് തേടിയത്. കഴിഞ്ഞ ദിവസം പഞ്ചായത്ത് ഓഫിസിൽ ചേർന്ന യോഗത്തിൽ പഞ്ചായത്ത് പ്രസിഡൻ്റ് ജോസ് പരത്തനാൽ വൈസ് പ്രസിഡൻ്റ്ജയശ്രീ ശ്രീധരൻ വിവിധ വാർഡ് മെംബർമാരായ എൻ.കെ.ശ്രീനാഥ്, ജോൺസൺ പുലിയുറുമ്പിൽ, ത്രേസ്യാ അഗസ്റ്റൻ, സാലി മാത്യു, ഷീജ ജെയിംസ്, പൗളിൽ തോമസ്, മേരി ഫ്രാൻസീസ്, അനീഷ് തോണക്കര, കെ.ഒ.ജനാർദ്ദനൻ, ബി.ലത, പഞ്ചായത്ത് സെക്രട്ടറി, ഫോറസ്റ്റ് ഉദ്യോഗസ്ഥർ, കൃഷി ഓഫീസർമാർ തുടങ്ങിയവർ പങ്കെടുത്തു. ▪️ റിപ്പോർട്ടർ: തോമസ് അയ്യങ്കനാൽ