ശ്രീകണ്ഠാപുരം വാർത്തകൾ

പയ്യാവൂർ: സംസ്ഥാനത്ത് മികവുറ്റ പ്രവർത്തനങ്ങൾ നടത്തിവരുന്ന പൊതുവിദ്യാലയങ്ങളെ പരിചയപ്പെടുത്തുന്നതിനായി കൈറ്റിൻ്റെ ആഭിമുഖ്യത്തിലുള്ള ‘ഹരിത വിദ്യാലയം 4.0′ റിയാലിറ്റി ഷോയിൽ പയ്യാവൂർ ചാമക്കാൽ ഗവ.എൽപി സ്കൂളും പങ്കെടുത്തു. പരിപാടിയുടെ നാലാമത്തെ എഡിഷനിലൂടെ സ്കൂളിൻ്റെ പ്രവർത്തനങ്ങൾ ഏതാനും ദിവസങ്ങൾക്കുള്ളിൽ പ്രേക്ഷകരിലേക്കെത്തും. വിദ്യാർത്ഥികളുടെ മൊബൈൽ ഫോൺ ഉപയോഗം നിയന്ത്രിക്കുന്നതിനായുള്ള’അമ്മയുടെ ഫോൺ എൻ്റേതും’ പദ്ധതി, ഇക്കാലത്ത് ഏറെ പ്രസക്തമായ റോഡ് നിയമങ്ങൾ നേരിട്ട് അനുഭവത്തിലൂടെ പഠിക്കാനായി സ്കൂൾ പരിസരത്ത് സജ്ജമാക്കിയ’കുട്ടിക്കവല’, വിദ്യാർത്ഥികളുടെ സ്വന്തം റേഡിയോ ‘ചാം’, പ്രകൃതി സൗഹൃദമായ ‘തണലിടം’, ‘ഗുഡ് ഫുഡ് ഈസ് ഗുഡ് മുഡ് ‘, തുടങ്ങിയ സമ്പൂർണ ഹൈടെക് അനുഭവങ്ങളുമായാണ് ‘ഹരിത വിദ്യാലയം’ റിയാലിറ്റി ഷോയിൽ ചാമക്കാൽ ഗവ.എൽപി സ്കൂൾ തങ്ങളുടെ സാന്നിധ്യമറിയിക്കുന്നത്. ▪️ റിപ്പോർട്ടർ: തോമസ് അയ്യങ്കനാൽ