ശ്രീകണ്ഠാപുരം വാർത്തകൾ

അലക്സ്നഗർ: അനശ്വര നടൻ സത്യൻ്റെ അമ്പത്തഞ്ചാമത് ചരമവാർഷിക ദിനാചരണം അലക്സ് നഗർ സത്യൻ സ്മാരക വായനശാല ഗ്രന്ഥാലയത്തിൻ്റെ ആഭിമുഖ്യത്തിൽ നടന്നു. സത്യൻ്റെ ഛായാചിത്രത്തിനു മുന്നിൽ നടത്തിയ പുഷ്പാർച്ചനക്ക് വായനശാല പ്രസിഡൻ്റ് എം. ബാലൻ നേതൃത്വം നൽകി. തുടർന്ന് നടന്ന പൊതുസമ്മേളനം വായനശാല മുൻ പ്രസിഡൻ്റ് കെ.വി.ഗോപാലൻ ഉദ്ഘാടനം ചെയ്തു. വായനശാല പ്രസിഡൻ്റ് എം. ബാലൻ അധ്യക്ഷത വഹിച്ചു. സെക്രട്ടറി ജോബി മാത്യു ആമുഖ പ്രഭാഷണം നടത്തി വായനശാല വയോജന വേദി പ്രസിഡൻ്റ് ജോയി മുല്ലപ്പള്ളിൽ, വായനശാല ജോയിൻ്റ് സെക്രട്ടറി സജി കല്ലിടുക്കിൽ എന്നിവർ പ്രസംഗിച്ചു. തുടർന്ന് സത്യൻ ഡോക്യുമെൻ്ററി പ്രദർശനവും നടന്നു ▪️ റിപ്പോർട്ടർ: തോമസ് അയ്യങ്കനാൽ