ശ്രീകണ്ഠാപുരം വാർത്തകൾ

ശ്രീ. ഇ.പി. കുഞ്ഞമ്പു മാസ്റ്റർ രചിച്ച “എരുവേശ്ശി സ്കൂൾ – ചരിത്രവും വർത്തമാനവും” എന്ന പുസ്തകത്തിന്റെ പ്രകാശന കർമ്മം 2026 മെയ് 17 ഞായറാഴ്ച വൈകുന്നേരം 4 മണിക്ക് കെ.കെ.എൻ.എം. എ.യു.പി. സ്കൂൾ അങ്കണത്തിൽ വെച്ച് നടക്കുന്നു. പ്രശസ്ത ചരിത്രകാരനും മടപ്പള്ളി ഗവ. കോളേജ് പ്രിൻസിപ്പാളുമായ ഡോ. പി.ജെ. വിൻസന്റ് ചടങ്ങ് ഉദ്ഘാടനം ചെയ്യും. പു.ക.സ. ജില്ലാ കമ്മിറ്റി പ്രസിഡന്റ് ഡോ. ടി.പി. വേണുഗോപാലൻ പുസ്തക പ്രകാശനം നിർവ്വഹിക്കുമ്പോൾ, സെക്രട്ടറി ശ്രീ. നാരായണൻ കാവുമ്പായി പുസ്തകത്തെ പരിചയപ്പെടുത്തി സംസാരിക്കും. നാടിന്റെയും വിദ്യാലയത്തിന്റെയും ചരിത്രം അടയാളപ്പെടുത്തുന്ന ഈ വേദിയിലേക്ക് എല്ലാവരെയും സ്വാഗതം ചെയ്യുന്നുവെന്ന് സംഘാടകർ അറിയിച്ചു