ശ്രീകണ്ഠാപുരം വാർത്തകൾ

ശ്രീകണ്ഠപുരം: ചുഴലി സ്കൂൾ പാർലമെൻ്റ് തെരഞ്ഞെടുപ്പിനിടെ ചുഴലി സ്കൂളിന് മുന്നിൽ വെച്ച് എം എസ് എഫ് ഇരിക്കൂർ മണ്ഡലം ഭാരവാഹികളെ എസ് എഫ് ഐ ,ഡി വൈ എഫ് ഐ പ്രവർത്തകർ ആക്രമിച്ചു പരിക്കേൽപിച്ചതായി പരാതി . മുനവ്വിർ പഴയങ്ങാടി,സുഫിയാൻ കായക്കൂൽ,റസീൻ ചെങ്ങളായി, മുഹമ്മദ് സബിൻ ചെങ്ങളായി,ഹംസ എം പി ചെങ്ങളായി എന്നിവർക്കാണ് പരിക്കേറ്റത്. മുനവ്വിർ പഴയങ്ങാടി ,റസീൻ ചെങ്ങളായി എന്നിവരെ കൂട്ടുമുഖം ഗവൺമെൻ്റ് ആശുപത്രിയിൽ പ്രാഥമിക ചികിത്സക്ക് ശേഷം തളിപ്പറമ്പ് ആശുപത്രിയിലേക്ക് മാറ്റി. എസ് എഫ് ഐ സ്ഥിരമായി ജയിക്കുന്ന സ്കൂളിൽ ഹയർ സെക്കണ്ടറി വിഭാഗത്തിൽ എട്ടിൽ അഞ്ച് സീറ്റും എം എസ് എഫ് നേടിയിരുന്നു. പരിക്കേറ്റവരെ ഇരിക്കൂർ മണ്ഡലം മുസ്ലിം ലീഗ് ജനറൽ സെക്രട്ടറി ടി എൻ എ ഖാദർ ,നേതാക്കളായ അഷ്റഫ് ചുഴലി ,സി ഖാദർ, മൂസാൻകുട്ടി തേർളായി സന്ദർശിച്ചു