ശ്രീകണ്ഠാപുരം വാർത്തകൾ

ശ്രീകണ്ഠപുരം : ശ്രീകണ്ഠപുരം നഗരസഭയിൽ സ്വച്ഛ് ഭാരത് മിഷന്റെ ഭാഗമായി നടക്കുന്ന “ഹർ ഘർ തിരങ്ക, ഹർ ഘർ സ്വച്ഛത” ക്യാമ്പയിൻ ലോഗോ പ്രകാശനം ചെയ്തു. നഗരസഭ അധ്യക്ഷ ഡോ. കെ വി ഫിലോമിന ടീച്ചർ ക്യാമ്പയിൻ ലോഗോ പ്രകാശനം ചെയ്തുകൊണ്ട് പരിപാടി ഉദ്ഘാടനം ചെയ്തു. വികസന കാര്യ സ്റ്റാൻഡിങ് കമ്മിറ്റി ചെയർപേഴ്സൺ ജോസഫിന വർഗീസ് അധ്യക്ഷത വഹിച്ചു. നഗര സഭ സ്ഥിരം സമിതി അധ്യക്ഷൻമാരായ പി പി ചന്ദ്രാഗദൻ മാസ്റ്റർ, ത്രേസ്യാമ്മ മാത്യു, കൗൺസിലർ വിജിൽ മോഹനൻ, ക്ലീൻ സിറ്റി മാനേജർ മോഹനൻ പി, പബ്ലിക് ഹെൽത്ത് ഇൻസ്പെക്ടർമാരായ സതീശൻ പി വി, ജിഷ കെ, അർച്ചന എം വി,സാലിജ് വി കെ , വൈ പി സാരഗ് പി തുടങ്ങിയവർ പരിപാടിയിൽ പങ്ക് ചേർന്നു. തുടർന്ന് ക്ലീൻ സിറ്റി മാനേജർ പബ്ലിക് ഹെൽത്ത് ഇൻസ്പെക്ടർമാർ എന്നിവരുടെ നേതൃത്വത്തിൽ നഗരസഭയുടെ സമീപത്തുള്ള കടകളിൽ ഡോർ ടു ഡോർ ബോധവൽക്കരണ ക്യാമ്പയിൻ സംഘടിപ്പിച്ചു.