ശ്രീകണ്ഠാപുരം വാർത്തകൾ

പയ്യാവൂർ: ചെമ്പേരി നിർമല ഹയർ സെക്കൻഡറി സ്കൂളിൽ 2025-26 അധ്യായന വർഷത്തെ സ്കൂൾ കലോത്സവമായ ‘മാറ്റൊലി’ക്ക് തിരി തെളിഞ്ഞു. സിനിമ, സീരിയൽ, മിമിക്രി കലാകാരനും നാടക സംവിധായകനും മാധ്യമപ്രവർത്തകനുമായ ശ്രീവേഷ്കർ പരിപാടി ഉദ്ഘാടനം ചെയ്തു. സ്കൂൾ കലോത്സവ വേദികളിൽ പങ്കെടുത്ത അനുഭവങ്ങൾ പങ്കുവച്ച് അദ്ദേഹം വിദ്യാർത്ഥികളുമായി സംവദിച്ചു. ശബ്ദാനുകരണ കലാകാരൻ കൂടിയായ ശ്രീവേഷ്കർ നടത്തിയ ശബ്ദ അനുകരണം സദസിന്റെ കൈയ്യടി നേടി. സ്കൂൾ മാനേജർ റവ.ഡോ.ജോർജ് കാഞ്ഞിരക്കാട്ട് അധ്യക്ഷത വഹിച്ചു. സ്കൂൾ പ്രിൻസിപ്പൽ സി.ഡി.സജീവ് ആമുഖ പ്രഭാഷണം നടത്തി. വൈസ് പ്രിൻസിപ്പൽ ജോഷി ജോൺ, പിടിഎ പ്രസിഡൻ്റ് മാത്തുക്കുട്ടി അലക്സ്, ജ്യോതിസ് ജോസ് എന്നിവർ പ്രസംഗിച്ചു. തുടർന്ന് വിദ്യാർത്ഥികൾ വിവിധ പരിപാടികളും അവതരിപ്പിച്ചു.   🔹 റിപ്പോർട്ടർ: തോമസ് അയ്യങ്കനാൽ