ശ്രീകണ്ഠാപുരം വാർത്തകൾ

പയ്യാവൂർ: ലോക സൗഹൃദ ദിനാചരണത്തിൻ്റെ ഭാഗമായി പയ്യാവൂർ ചാമക്കാൽ ഗവ.എൽപി സ്കൂളിൽ ‘ചങ്ങാതിക്ക് ഒരു തൈ’ പദ്ധതി നടപ്പാക്കി. പയ്യാവൂർ ഗ്രാമപഞ്ചായത്ത് ചാമക്കാൽ വാർഡ് മെംബർ പ്രഭാവതി മോഹൻ പദ്ധതി ഉദ്ഘാടനം ചെയ്തു. വിദ്യാർത്ഥികൾ ശേഖരിച്ചു കൊണ്ടുവന്ന വൃക്ഷത്തൈകൾ ഓരോരുത്തരും സഹപാഠികൾക്ക് കൈമാറി.  സൗഹൃദത്തിൻ്റെ ഓർമമരമായി വിദ്യാർത്ഥികൾ ഈ വൃക്ഷത്തൈകൾ നട്ട് പരിപാലിക്കും. പയ്യാവൂർ ഗ്രാമപഞ്ചായത്ത് ഹരിത മിഷൻ പദ്ധതിയുടെ അഭിമുഖ്യത്തിലായിരുന്നു പദ്ധതി നിർവഹണം. സ്കൂൾ സീനിയർ അസിസ്റ്റൻ്റ് ജോസ്മി ജോസ്, എംപിടിഎ പ്രസിഡൻ്റ് സൗമ്യ ദിനേശ്, പി.ശില്പ, ടി.വി.ദീപ, എം.ടി.മധുസൂദനൻ, രജനി റിൻസ് എന്നിവർ നേതൃത്വം നൽകി.    🔹 റിപ്പോർട്ടർ: തോമസ് അയ്യങ്കനാൽ