ശ്രീകണ്ഠാപുരം വാർത്തകൾ

പയ്യാവൂർ: സമുദായ സ്നേഹമുള്ള യുവജന നേതാക്കളെ മുൻനിരയിലേക്ക് കൊണ്ടുവരുവാൻ കത്തോലിക്ക കോൺഗ്രസ് യൂത്ത് കൗൺസിൽ നേതൃത്വം നൽകണമെന്ന് തലശേരി അതിരൂപത ചാൻസലർ റവ.ഡോ.ജോസഫ് മുട്ടത്തുകുന്നേൽ. തലശേരി അതിരൂപത കത്തോലിക്ക കോൺഗ്രസ് യൂത്ത് കൗൺസിൽ നേതൃത്വ സംഗമം ‘നെയോലാലിയ 2025’ ചെറുപുഴ  സെൻറ് മേരിസ് ഫൊറോനയിൽ ഉദ്ഘാടനം ചെയ്ത്  പ്രസംഗിക്കുകയായിരുന്നു അദ്ദേഹം. സമുദായത്തോടും സഭയോടും സ്നേഹമുള്ള യുവജനങ്ങൾ ക്രൈസ്തവ മൂല്യങ്ങൾ കളയാതെ സമൂഹത്തിലും രാഷ്ട്രീയത്തിലും പ്രവർത്തിക്കണമെന്നും അദ്ദേഹം പറയുകയുണ്ടായി. ഗ്ലോബൽ യൂത്ത് കൗൺസിൽ കോ ഓർഡിനേറ്റർ സിജോ കണ്ണേഴത്ത് അധ്യക്ഷത വഹിച്ചു. സെൻ്റ് മേരീസ് ഫൊറോന പള്ളി വികാരി ഫാ.ഫിലിപ്പ് ഇരുപ്പക്കാട്ട് മുഖ്യപ്രഭാഷണം നടത്തി. ഗ്ലോബൽ ട്രഷറർ ടോണി പുഞ്ചക്കുന്നേൽ, അതിരൂപത യൂത്ത് കൗൺസിൽ ജനറൽ കോ ഓർഡിനേറ്റർ പാട്രിക് കുരുവിള, കോ ഓർഡിനേറ്റർ മാരായ ബിജു ഈട്ടിക്കൽ, ഷിന്റോ കൈപ്പനാനിക്കൽ, എബിൻ കുമ്പുക്കൽ, ജോബിൻ വള്ളിയാംതടത്തിൽ അതിരൂപത പ്രസിഡൻ്റ് ഫിലിപ്പ് വെളിയത്ത്, ജനറൽ സെക്രട്ടറി ജിമ്മി ആയിത്തമറ്റം, ട്രഷറർ സുരേഷ് ജോർജ്,  ഫൊറോന ഡയറക്ടർ ഫാ.തോമസ് പൂവമ്പുഴയിൽ, ഫൊറോന പ്രസിഡൻ്റ് സാജു പുത്തൻപുരയിൽ, സാജു പടിഞ്ഞാറേട്ടിൽ, ജെയിംസ് ഇമ്മാനുവൽ എന്നിവർ പ്രസംഗിച്ചു.    🔹 റിപ്പോർട്ടർ: തോമസ് അയ്യങ്കനാൽ