ശ്രീകണ്ഠാപുരം വാർത്തകൾ

തളിപ്പറമ്പ് : കണ്ണൂർ ജില്ലയിലെ തെരഞ്ഞെടുക്കപ്പെട്ട ഇരുപത്തഞ്ച് കിടപ്പ് രോഗികൾക്ക് യംഗ് മൈൻഡ്സ് ഇന്റർനാഷണൽ (വൈഎംഐ) ഡിസ്ട്രിക്ട് ത്രീയുടെ ആഭിമുഖ്യത്തിൽ വീൽ ചെയർ നൽകുന്ന പദ്ധതിയുടെ ജില്ലാതല ഉദ്ഘാടനം തളിപ്പറമ്പ് എൻഎസ്എസ് ഓഡിറ്റോറിയത്തിൽ നടന്നു. ഡിസ്ട്രിക്ട് സെനറ്റര്‍ എം.കെ.വേണുഗോപാൽ ഉദ്ഘാടനം നിർവഹിച്ചു. ഡിസ്ട്രിക്ട് ഗവർണർ കെ.വി.പ്രശാന്ത് അധ്യക്ഷത വഹിച്ചു. ഡിസ്ട്രിക്ട് സെക്രട്ടറി സി.വി.വിനോദ് കുമാർ ആമുഖ പ്രഭാഷണം നടത്തി. കടമ്പേരിയിലെ പുനർജനി ചാരിറ്റബിൾ ട്രസ്റ്റിന്റെ പാലിയേറ്റീവ് വിഭാഗത്തിന് ഡിസ്ട്രിക്ട് ഗവർണർ കെ.വി.പ്രശാന്ത് വീൽചെയർ കൈമാറി. എൻഎസ്എസ് തളിപ്പറമ്പ് താലൂക്ക് യൂണിയൻ സെക്രട്ടറി ചന്ദ്രബാബു, പുനർജനി ചാരിറ്റബിൾ ട്രസ്റ്റ് സെക്രട്ടറി കെ.ഷൈജു, വൈഎംഐ ഡിസ്ട്രിക്ട് ട്രഷറർ ബിജു ഫ്രാൻസിസ് എന്നിവർ പ്രസംഗിച്ചു.   ▪️ റിപ്പോർട്ടർ: തോമസ് അയ്യങ്കനാൽ