ശ്രീകണ്ഠാപുരം വാർത്തകൾ

ശ്രീകണ്ഠപുരം ഗവ. ഹയർ സെക്കന്ററി സ്കൂൾ മുൻ ഹെഡ്മാസ്റ്ററും ഓഫീസേർസ് ക്ലബ്ബ് പ്രസിഡണ്ടുമായിരുന്ന കെ ജി ഭാസ്കരൻ മാസ്റ്റർ മലയോരമേഖലയിലെ ഏറ്റവും മികച്ച ഒരു മാതൃകാ പൊതുപ്രവർത്തകനായിരുന്നുവെന്ന് നഗരസഭാ ചെയർപേഴ്സൺ ഡോ. കെ വി ഫിലോമിന പ്രസ്താവിച്ചു. ഭാസ്കരൻ മാസ്റ്ററുടെ നാലാം ഓർമ ദിനത്തിൽ ശ്രീകണ്ഠപുരം ഓഫീസേർസ് ക്ലബ്ബ് അദ്ദേഹത്തിന്റെ പേരിലേർപ്പെടുത്തിയ പതിനായിരം രൂപയും മൊമന്റോയും അടങ്ങുന്ന പ്രതിഭാ പുരസ്കാരങ്ങൾ നാല് വിദ്യാർത്ഥികൾക്ക് വിതരണം ചെയ്ത് സംസാരിക്കുകയായിരുന്നു അവർ. ക്ലബ്ബ് ട്രഷററും നഗരസഭാ സ്റ്റാന്റിംഗ് കമ്മിറ്റി ചെയർമാനുമായ പി പി ചന്ദ്രാംഗദൻ മാസ്റ്റർ കെ ജി ഭാസ്കരൻ മാസ്റ്റർ അനുസ്മരണ പ്രഭാഷണം നടത്തി. ക്ലബ്ബ് പ്രസിഡണ്ട് എം വി രാഘവൻ അധ്യക്ഷം വഹിച്ചു. പി ടി എ പ്രസിഡണ്ട് കെ അഷ്റഫ്, പ്രിൻസിപ്പാൾ ടി എം രാജേന്ദ്രൻ, ഹെഡ്മിസ്ട്രസ്സ് എം വി ഗീത, ക്ലബ്ബ് സെക്രട്ടറി കെ ദിവാകരൻ, ജോ. സെക്രട്ടറി കെ വി പത്മനാഭൻ തുടങ്ങിവർ സംസാരിച്ചു.