ശ്രീകണ്ഠാപുരം വാർത്തകൾ

പയ്യാവൂർ: മലയോര മേഖലയെ  കലാ കിരീടമണിയിച്ച് പൈസക്കരി ദേവമാതാ ഹൈസ്കൂൾ. പാഠ്യ- പാഠ്യേതര പ്രവർത്തനങ്ങളിൽ ശ്രദ്ധേയമായി മുന്നേറുന്ന വിദ്യാലയത്തിൻ്റെ  ചരിത്രത്തിൽ ആദ്യമായിട്ടാണ് കലാ കിരീടം സ്വന്തമാക്കുന്നത്.  ചെമ്പന്തൊട്ടിയിൽ നടന്ന ഇരിക്കൂർ ഉപജില്ലാ കലോത്സവത്തിൽ ജനറൽ വിഭാഗം ഫസ്റ്റ് റണ്ണറപ്പും സംസ്കൃത കലോത്സവത്തിൽ ഓവറോൾ ചാമ്പ്യൻഷിപ്പും കരസ്ഥമാക്കിയാണ് സ്കൂൾ ചരിത്ര നേട്ടത്തിലെത്തിയത് . ശ്രീകണ്ഠപുരം നഗര സഭാധ്യക്ഷ ഡോ.കെ.വി.ഫിലോമിനയുടെ അധ്യക്ഷതയിൽ ചേർന്ന സമാപന സമ്മേളനത്തിൽ ജില്ലാ പഞ്ചായത്ത് പ്രസിഡൻ്റ് കെ.കെ രത്നകുമാരിയിൽ നിന്ന് സ്കൂൾ മുഖ്യാധ്യാപകൻ സി.എ.ജോസഫ്, പ്രോഗ്രാം കൺവീനർ പി.ഷീമ, പിടിഎ ഭാരവാഹികൾ എന്നിവർ ചേർന്ന് ട്രോഫികൾ ഏറ്റുവാങ്ങി.    ▪️ റിപ്പോർട്ടർ: തോമസ് അയ്യങ്കനാൽ