ശ്രീകണ്ഠാപുരം വാർത്തകൾ

ശ്രീകണ്ഠപുരം : കെഎസ്ടിഎ സംസ്ഥാന അക്കാദമിക് കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച സിഎം കിഡ്സ് സ്കോളർഷിപ്പിനായുള്ള മാതൃകാ പരീക്ഷയുടെ ഇരിക്കൂർ ഉപജില്ലാതല ഉദ്ഘാടനം ശ്രീകണ്ഠപുരം ഗവ. ഹയർ സെക്കൻഡറി സ്കൂളിൽ നടന്നു. ഇരിക്കൂർ ബ്ലോക്ക് പഞ്ചായത്ത് പ്രസിഡൻ്റ് ടി.കെ.സുലേഖ ഉദ്ഘാടനം നിർവഹിച്ചു. കെഎസ്എ ഉപജില്ലാ ട്രഷറർ എം.കെ.ഉണ്ണികൃഷ്ണൻ അധ്യക്ഷത വഹിച്ചു. കെ.പി.ശിവപ്രസാദ് പദ്ധതി വിശദീകരിച്ചു. സി.രാജേഷ്, പി.പി.അജയൻ, പി.രാജേഷ് എന്നിവർ പ്രസംഗിച്ചു. ഇരിക്കൂർ ഉപജില്ലാ പരിധിയിൽ അഞ്ച് കേന്ദ്രങ്ങളിലായി ആയിരത്തിലേറെ വിദ്യാർത്ഥികൾ മാതൃകാ പരീക്ഷയെഴുതി. ▪️ റിപ്പോർട്ടർ: തോമസ് അയ്യങ്കനാൽ