ശ്രീകണ്ഠാപുരം വാർത്തകൾ

പയ്യാവൂർ: ഗ്രാമീണ ഇന്ത്യയുടെ ജീവനാഡിയായ മഹാത്മാഗാന്ധി തൊഴിലുറപ്പ് പദ്ധതി കേന്ദ്ര സർക്കാർ അട്ടിമറിച്ചതിനെതിരെ ഇന്ത്യൻ നാഷണൽ കോൺഗ്രസ് രാജ്യവ്യാപകമായി നടത്തുന്ന സമരത്തിൻ്റെ ഭാഗമായി കോൺഗ്രസ് പയ്യാവൂർ മണ്ഡലം കമ്മിറ്റിയുടെ ആഭിമുഖ്യത്തിൽ ഇന്ദിരാഭവനിൽ നിന്ന് പയ്യാവൂർ ടൗണിലേക്ക് തൊഴിലുറപ്പ് സംരക്ഷണ ജാഥ നടത്തി. പയ്യാവൂർ ബസ് സ്റ്റാൻഡ് പരിസരത്ത് ചേർന്ന യോഗം പയ്യാവൂർ ഗ്രാമപഞ്ചായത്ത് പ്രസിഡൻ്റ് സിന്ധു ബെന്നി ഉദ്ഘാടനം ചെയ്തു.  മണ്ഡലം പ്രസിഡൻ്റ് ഇ.കെ.കുര്യൻ അധ്യക്ഷത വഹിച്ചു. പഞ്ചായത്ത് വൈസ് പ്രസിഡൻ്റ് പി.കെ.ബാലകൃഷ്ണൻ, കോൺഗ്രസ് ബ്ലോക്ക് ജനറൽ സെക്രട്ടറി ബേബി മുല്ലക്കരി,  പഞ്ചായത്ത് മെംബർമാരായ സൈമൺ പെരുവക്കുന്നേൽ, വത്സല സാജു, ജാൻസി ഷാജു, പി.ആർ.സിനി, ഷീജ ജോൺസൺ, സിന്ധു രവി എന്നിവർ പ്രസംഗിച്ചു.  ▪️ റിപ്പോർട്ടർ: തോമസ് അയ്യങ്കനാൽ