ശ്രീകണ്ഠാപുരം വാർത്തകൾ

കണ്ണൂർ: കളരിപ്പയറ്റിൽ കേരള ഫോക് ലോർ അക്കാദമിയുടെയുവപ്രതിഭാ പുരസ്കാരത്തിന് പാരമ്പര്യ കളരിപ്പയറ്റ് പരിശീലകനായ യുവ ഗുരുക്കൾ സിനീഷ് പുതുശേരി അർഹനായി. കേരളത്തിലും പുറത്തും വിവിധ വേദികളിൽ കളരിപ്പയറ്റ് അവതരിപ്പിക്കുകയും നിരവധി പേർക്ക് പരിശീനലനം നൽകുകയും ചെയ്തു വരുന്ന തലശേരി സ്വദേശിയായ സിനീഷ് കളരി മർമ്മ ചികിത്സയിലും പ്രഗത്ഭനാണ്. കേരള സംസ്ഥാന യുവജനക്ഷേമ ബോർഡിൻ്റെ യുവഗുരുക്കൾ പുരസ്കാരം, പൊന്ന്യത്തങ്കം അവാർഡ്, തെലങ്കാന സ്റ്റേറ്റ് കൾച്ചറൽ ഡിപ്പാർട്ട്മെൻ്റിൻ്റെ പ്രത്യേക അംഗീകാരം എന്നിവയും ലഭിച്ചിട്ടുണ്ട്.