ശ്രീകണ്ഠാപുരം വാർത്തകൾ

പയ്യാവൂർ: മടമ്പം പികെഎം കോളജ് ഓഫ് എഡ്യൂക്കേഷനിലെ എൻഎസ്എസ് യൂണിറ്റ് സപ്തദിന ക്യാമ്പിന്റെ ഭാഗമായി മാനസ ഗ്രാമം സന്ദർശിച്ചു. സംസ്ഥാന ഹരിത വിദ്യാലയം റിയാലിറ്റി ഷോയിലേക്ക് തെരഞ്ഞെടുക്കപ്പെട്ട ചാമക്കാൽ ഗവ.എൽപി സ്കൂളിലെ പ്രവർത്തനങ്ങൾ നേരിൽ കണ്ട് മനസിലാക്കുകയും ക്ലാസ് മുറിയിലെ ചുമരുകൾ ക്യാമ്പംഗങ്ങൾ ആകർഷകമായി ചിത്രീകരിക്കുകയും ചെയ്തു. വാർഡ് മെംബർ ജയിംസ് തുരുത്തേൽ പരിപാടി ഉദ്ഘാടനം ചെയ്തു. സ്കൂൾ മുഖ്യാധ്യാപകൻ ഹരിത വിദ്യാലയ പ്രവർത്തനങ്ങൾ വിശദീകരിച്ചു. സ്കൂൾ മദർ പിടിഎ പ്രസിഡൻ്റ് സൗമ്യ ദിനേശ് പ്രസംഗിച്ചു. ക്യാമ്പംഗങ്ങൾ ഗ്രാമത്തിൽ ഡിജിറ്റൽ സാക്ഷരത സർവേ നടത്തി. ക്യാമ്പ് ഓഫീസർ ഡോ.സിനോജ് ജോസഫ് നേതൃത്വം നൽകി.