ശ്രീകണ്ഠാപുരം വാർത്തകൾ

തലശ്ശേരി : ഒക്ടോബർ 16,17,18 തീയ്യതികളിലായി തലശ്ശേരി വി.ആർ.കൃഷ്ണയ്യർ മെമ്മോറിയൽ നഗരസഭാ സ്റ്റേഡിയത്തിൽ നടക്കുന്ന ജില്ലാ സ്കൂൾ കായികമേളയുമായി ബന്ധപ്പെട്ട് ഗ്രീൻ പ്രോട്ടോക്കോൾ കമ്മിറ്റി രൂപവത്കരിച്ചു.കായികമേള നടക്കുന്ന ദിവസങ്ങളിൽ സ്റ്റേഡിയത്തിനകത്തും പുറത്തും ഹരിത പെരുമാറ്റച്ചട്ടം കർശനമായി നടപ്പിലാക്കുവാൻ തീരുമാനിച്ചു. നഗരസഭ ആരോഗ്യകാര്യ സ്ഥിരംസമിതി ചെയർപേഴ്സൺ ടി.കെ.സാഹിറ യോഗം ഉദ്ഘാടനം ചെയ്തു. എ.വിനോദ്കുമാർ അധ്യക്ഷത വഹിച്ചു.ജില്ലാ ശുചിത്വമിഷൻ പ്രതിനിധികളായ ഇ.മോഹനൻ,പി. അശോകൻ,ഹരിത കേരളമിഷൻ കോഓർഡിനേറ്റർ ലത കാണി,ഗവ.ബ്രണ്ണൻ കോളേജ് ഓഫ് ടീച്ചർ എജ്യുക്കേഷൻ പ്രിൻസിപ്പൽ ഡോ.പി.പ്രശാന്ത്, ഗവ.ബ്രണ്ണൻ എച്ച്എസ്എസ് ഹെഡ്മിസ്ട്രസ് ഒ.പി.ശൈലജ,വി.പി.രാജീവൻ,കെ.പി.വേണുഗോപാലൻ,പി.സുചിത്ര തുടങ്ങിയവർ സംസാരിച്ചു. ടി.കെ.സാഹിറ (ചെയർപേഴ്സൺ),വി.പി.രാജീവൻ (കൺവീനർ),എ.കെ.സുധാമണി (ട്രഷറർ)എന്നിവരെ ഭാരവാഹികളായി തിരഞ്ഞെടുത്തു.