ശ്രീകണ്ഠാപുരം വാർത്തകൾ

ചെമ്പേരി : വിശുദ്ധ ഫ്രാൻസീസ് അസീസിയുടെ തിരുനാൾ ആഘോഷവും വിശുദ്ധൻ സ്ഥാപിച്ച  ഫ്രാൻസിസ്കൻ അൽമായ സഭ (എസ്എഫ്ഒ) ചെമ്പേരി യൂണിറ്റിന്റെ അറുപതാം വാർഷികവും 4 ന് ചെമ്പേരിയിൽ നടക്കും. രാവിലെ 8.45 ന് പ്രഭാത പ്രാർത്ഥനയോടെ തിരുനാൾ തിരുക്കർമങ്ങൾ ചെമ്പേരി ലൂർദ് മാതാ ബസിലിക്കയിൽ ആരംഭിക്കും. 9 ന് തിരുനാൾ കുർബാനക്ക് കപ്പൂച്ചിൻ വൈദികൻ ഫാ.മെൽവിൻ കാർമികത്വം വഹിക്കും. 10.30 ന് ചെമ്പേരി മദർ തെരേസ ഓഡിറ്റോറിയത്തിൽ ചേരുന്ന പൊതുസമ്മേളനം ബസിലിക്ക അസിസ്റ്റൻ്റ് റെക്ടർ ഫാ.അജേഷ് തുരുത്തേൽ ഉദ്ഘാടനം ചെയ്യും. ഫ്രാൻസിസ്കൻ ദർശനത്തിൻ്റെ കാലിക പ്രസക്തി സംബന്ധിച്ച് കോളയാട് സെൻ്റ് കൊർണോലിയോസ് ആശ്രമ വൈദികൻ ഫാ.ജോജോ ആൻ്റണി ഒഎഫ്ഡി ക്ലാസെടുക്കും. ഉച്ചകഴിഞ്ഞ് 1.30 ന് ആരംഭിക്കുന്ന വാർഷികാഘോഷ പരിപാടികൾ ചെമ്പേരി ലൂർദ് മാതാ ബസിലിക്ക റെക്ടർ റവ.ഡോ.ജോർജ് കാഞ്ഞിരക്കാട്ട് ഉദ്ഘാടനം ചെയ്യും. എസ്എഫ്ഒ ചെമ്പേരി യൂണിറ്റ് പ്രസിഡൻ്റ് കുര്യാക്കോസ് പുതിയിടത്തുപറമ്പിൽ അധ്യക്ഷത വഹിക്കും. എസ്എഫ്ഒ മേഖലാ പ്രസിഡൻ്റുമാർ, ഭക്തസംഘടനാ ഭാരവാഹികൾ, സന്യസ്തർ തുടങ്ങിയവർ പ്രസംഗിക്കും. വിവിധ കലാപരിപാടികളും അരങ്ങേറും.  ▪️ റിപ്പോർട്ടർ: തോമസ് അയ്യങ്കനാൽ