ശ്രീകണ്ഠാപുരം വാർത്തകൾ

പയ്യാവൂർ: ചെമ്പേരി നിർമല ഹയർ സെക്കൻഡറി സ്കൂൾ റോവർ  റേഞ്ചർ ക്രൂവിലെ വിദ്യാർത്ഥികളുടെ ആഭിമുഖ്യത്തിൽ വിപണനത്തിനു തയാറാക്കിയ ‘നിർമല ഇക്കോവാഷ് ‘ എന്ന ഡിഷ് വാഷ് ഉത്പന്നത്തിന്റെ ലോഗോ എരുവേശി ഗ്രാമ പഞ്ചായത്ത്‌ പ്രസിഡന്റ്‌ മിനി ഷൈബി സ്കൂൾ പ്രിൻസിപ്പൽ സി.ഡി.സജീവിൻ്റെ സാന്നിധ്യത്തിൽ റോവർ റേഞ്ചർ, സ്കൗട്ട് ലീഡർമാരായ ജെറിൻ ജോസ്, ട്വിങ്കിൾ ജേക്കബ്, സീനിയർ റോവർ മേറ്റ്‌ ഋതുൽ ജോസഫ് ഷാജി, സീനിയർ റേഞ്ചർ മേറ്റ്‌ ഏർലിൻ റോസ് ബിജു എന്നിവർക്ക് നൽകി പ്രകാശനം ചെയ്തു.  പിടിഎ പ്രസിഡന്റ്‌ മാത്തുക്കുട്ടി അലക്സ്‌, ഭാരത് സ്കൗട്ട് ആൻഡ് ഗൈഡ് മുൻ ജില്ലാ സെക്രട്ടറി മണി ബാബു, അധ്യാപകരായ വിമൽ ഏബ്രഹാം, റഷീന ജോർജ്, ടി.ജയശ്രീ, കെ.ഇ.ഷൈബി, അമൽ തോമസ് എന്നിവർ പങ്കെടുത്തു.  പഠനത്തിനൊപ്പം ഒരു സ്വയം തൊഴിൽ പരിശീലനം കൂടി എന്ന ചിന്തയാണ് ഇങ്ങനെയൊരു സംരംഭത്തിലേക്ക് നയിച്ചത്. ▪️ റിപ്പോർട്ടർ: തോമസ് അയ്യങ്കനാൽ