ശ്രീകണ്ഠാപുരം വാർത്തകൾ

പയ്യാവൂർ: ശ്രീകണ്ഠപുരം നഗരസഭയുടെ സമ്പൂർണ സാമ്പത്തിക സാക്ഷരതാ പദ്ധതി ‘പ്രജ്യോതി’യുടെ പ്രചരണാർത്ഥം ശ്രീകണ്ഠപുരം എസ്ഇഎസ് കോളജ് വിദ്യാർത്ഥിനികൾ ചെമ്പന്തൊട്ടി ടൗണിൽ ഫ്ലാഷ് മോബ് അവതരിപ്പിച്ചു. നഗരസഭാധ്യക്ഷ ഡോ.കെ.വി.ഫിലോമിന ഉദ്ഘാടനം ചെയ്തു. ഓൺലൈൻ തട്ടിപ്പിലൂടെ നരസഭാപരിധിയിലെ ആരുടേയും ഒരു രൂപപോലും നഷടപ്പെടാതിരിക്കാനാണ് ഈ ബോധവത്കരണ പദ്ധതിക്കായി നാലര ലക്ഷം രൂപ അനുവദിച്ചതെന്ന് നഗരസഭാധ്യക്ഷ പറഞ്ഞു. നഗരസഭ വികസന കാര്യ സ്റ്റാൻഡിംഗ്‌ കമ്മിറ്റി ചെയർപേഴ്സൺ ജോസഫീന വർഗീസ് അധ്യക്ഷത വഹിച്ചു.പൊതുമരാമത്ത് സ്ഥിരം സമിതി അധ്യക്ഷൻ കെ.സി.ജോസഫ്, വാർഡ് കൗൺസിലർ കെ.ജെ.ചാക്കോ കൊന്നയ്ക്കൽ എന്നിവർ പ്രസംഗിച്ചു.