ശ്രീകണ്ഠാപുരം വാർത്തകൾ

ശ്രീകണ്ഠാപുരം: സംസ്കാര സാഹിതി ഇരിക്കൂർ നിയോജക മണ്ഡലം കമ്മിറ്റി യോഗം ചേർന്നു. സെപ്റ്റംബർ – നവംബർ മാസങ്ങളിൽ കലാ-സാംസ്കാരിക പ്രവർത്തകരുടെ മേഖലാ സമ്മേളനങ്ങൾ നടത്താനും ഏകദിന സാംസ്കാരിക സംഗമം നടത്താനും തീരുമാനിച്ചു.ആദ്യ മേഖലാ സമ്മേളനം സെപ്റ്റംബർ 29 നു ഉളിക്കലിൽ ബഹു: ഇരിക്കൂർ MLA ശ്രീ:സജീവ് ജോസഫ് ഉദ്ഘാടനം ചെയ്യും. യോഗത്തിൽ സംസ്കാര സാഹിതി ഇരിക്കൂർ നിയോജക മണ്ഡലം ചെയർമാൻ ശ്രീ.കെ.വി.ജേക്കബ്ബ് അദ്ധ്യക്ഷത വഹിച്ചു. ഡോ.വി.എ അഗസ്റ്റിൻ മാസ്റ്റർ, ജോസഫീന ടീച്ചർ, മധു തൊട്ടിയിൽ, ടി.ഡി.ദേവസ്യ മാസ്റ്റർ, ഷീജ ജഗന്നാഥൻ, ലളിത പി, ജെയ്നമ്മ ടീച്ചർ, വി.കെ.ഉഷ എന്നിവർ പ്രസംഗിച്ചു.