ശ്രീകണ്ഠാപുരം വാർത്തകൾ

ശ്രീകണ്ഠപുരം : മടമ്പം പികെഎം കോളജ് ഓഫ് എഡ്യൂക്കേഷന്റെ ആഭിമുഖ്യത്തിൽ  പേവിഷബാധക്കെതിരെ ബോധവത്കരണ ക്ലാസ്  നടത്തി. കോളജ്  പ്രിൻസിപ്പാൾ ഡോ.എൻ.സി.ജെസി ഉദ്ഘാടനം ചെയ്തു. വേൾഡ് വെറ്ററിനറി സർവീസ് നടപ്പാക്കുന്ന ബോധവത്കരണ പരിപാടിയോട് ചേർന്ന് കേരള പൊതുവിദ്യാഭ്യാസ വകുപ്പ്, മൃഗസംരക്ഷണ വകുപ്പ്, കംപാഷൻ ഫോർ ആനിമൽ വെൽഫേർ അസോസിയേഷൻ എന്നിവ സംയുക്തമായി ജില്ലാടിസ്ഥാനത്തിൽ നടത്തിവരുന്ന ‘മിഷൻ റാബീസ് ‘ ബോധവത്കരണ പരിപാടിയുടെ ഭാഗമായാണ് ക്ലാസ് നടന്നത്. മൃഗങ്ങളുമായി ഇടപഴകുമ്പോൾ  ശ്രദ്ധിക്കേണ്ട  കാര്യങ്ങൾ,  പേവിഷബാധ തടയുന്നതിനുള്ള മുൻകരുതലുകൾ തുടങ്ങിയവയെ സംബന്ധിച്ച് ക്ലാസ് നയിച്ച എഡ്യൂക്കേഷൻ ഓഫീസർ ബിജു ആൻ്റണി വിശദീകരിച്ചു.  ▪️ റിപ്പോർട്ടർ: തോമസ് അയ്യങ്കനാൽ