ശ്രീകണ്ഠാപുരം വാർത്തകൾ

ശ്രീകണ്ഠപുരം: കേരളത്തിലെ സർവീസ് പെൻഷൻകാർക്കുള്ള മെഡിസെപ് പദ്ധതി രണ്ടാംഘട്ടം നടപ്പിലാക്കുന്നതിന്റെ ഭാഗമായി കേരളത്തിലെ മുഴുവൻ ആശുപത്രികളിലും കവറേജിൽ പറയുന്ന 5ലക്ഷം രൂപ വരെയുള്ള ചികിത്സയ്ക്ക് പൂർണമായും ക്യാഷ് ലെസ്സ് സംവിധാനം നടപ്പിലാക്കണമെന്നും,ഏത് തരം രോഗത്തിനും, അതിന്റെ അനുബന്ധമായി വരുന്ന രോഗങ്ങൾക്കും തുക അനുവദിക്കണമെന്നും, പ്രീമിയം വർദ്ധിപ്പിക്കുന്നതിനനുസരിച്ച് മെഡിക്കൽ അലവൻസ് 1000 രൂപയായി ഉയർത്തണമെന്നും കേരള സ്റ്റേറ്റ് സർവ്വീസ് പെൻഷനേഴ്സ് അസോസിയേഷൻ(കെഎസ്എസ്പിഎ) ഇരിക്കൂർ നിയോജകമണ്ഡലം കമ്മിറ്റി യോഗം ആവശ്യപ്പെട്ടു. യോഗത്തിൽ പ്രസിഡണ്ട് ജോസഫ് സഖറിയാസ് അധ്യക്ഷത വഹിച്ചു.പി.പി.ചന്ദ്രാംഗതൻ മാസ്റ്റർ,എം.പി. കുഞ്ഞിമൊയ്തീൻ,കെ.പി.മോഹനൻ, നാരായണൻ കൊയിറ്റി, പി.ടി.കുര്യാക്കോസ്, കെ.ദിവാകരൻ,കെ.സി.ജോൺ, ഡോ.വി.എ.അഗസ്റ്റിൻ, കെ.ബാബു, സി.എം.മാത്യു,എം.എം.ലീല,പി.പി.ഭാഗ്യലക്ഷ്മി,എൻ.എൽ ചാക്കൊ,വർഗ്ഗീസ് ജോൺ, ടി.ടി.സെബാസ്റ്റ്യൻ, വി.വി.കുഞ്ഞികൃഷ്ണൻ,അബ്രഹാം തോമസ്, വി.ടി. മാത്യു,സാമുവൽ പി, എൻ.സി.തോമസ്, ഡൊമിനിക് കെ.എം എന്നിവർ പ്രസംഗിച്ചു.