ശ്രീകണ്ഠാപുരം വാർത്തകൾ

ശ്രീകണ്ഠപുരം ഗവൺമെന്റ് ഹയർ സെക്കൻഡറി സ്കൂൾ 93-94 ബാച്ച് പൂർവവിദ്യാർഥി സംഗമവും, ഓണാഘോഷവും ശ്രീകണ്ഠപുരം നഗര സഭ അധ്യക്ഷ ഡോ കെ വി ഫിലോമിന ടീച്ചർ ഉദ്ഘാടനം ചെയ്തു. സ്നേഹതീരം എന്ന പേരിൽ നിടിയേങ്ങ കലാഗ്രാമത്തിൽ വെച്ച് നടത്തിയ പരിപാടിയിൽ ശ്രീവിദ്യ അദ്ധ്യക്ഷത വഹിച്ചു. സ്വപ്ന സ്വാഗതം പറഞ്ഞ പരിപാടിയിൽ രാജേഷ് എം.ടി, ബഷീർ കെ.എം, മുഹമ്മദ് കുഞ്ഞി, ഷീബ ജനാർദ്ദനൻ, തിലക് ഉണ്ണി, രാജേഷ് കൂവേരി, രതീഷ് ചെമ്പിലേരി, സ്വപ്ന കെ.വി, നികേഷ് കെ, തുടങ്ങിയവർ ആശംസകൾ അറിയിച്ച് സംസാരിച്ചു. ഉമേഷ് സുരേഷ് നന്ദി പറഞ്ഞു. ചടങ്ങിൽ ഉന്നത വിജയം കൈവരിച്ച വിദ്യാർത്ഥികൾക്കുള്ള അനുമോദനവും നൽകി.