ശ്രീകണ്ഠാപുരം വാർത്തകൾ

പയ്യാവൂർ: ശ്രീകണ്ഠപുരം നഗരസഭ ഇരുപത്തെട്ടാം വാർഡ്  നെടിയേങ്ങയിൽ വാർഡ്‌ കൗൺസിലർ കെ.വി.കുഞ്ഞിരാമൻ്റെ നേതൃത്വത്തിൽ വാർഡിലെ മുഴുവൻ കുടുംബങ്ങൾക്കും ഓണക്കിറ്റ് വിതരണം ചെയ്തു.  ഓണസദ്യക്കായി പതിമൂന്നിനം  പച്ചക്കറികൾ തുണി സഞ്ചിയിൽ നിറച്ച് മുന്നൂറ് വീടുകളിലേക്കാണ് നൽകിയത്. കൗൺസിലറുടെ മേൽനോട്ടത്തിൽ വാർഡിൽ നടപ്പാക്കിവരുന്ന 60 മാസം 60 പദ്ധതിയുടെ ഭാഗമായ അമ്പത്തെട്ടാമത് പദ്ധതിയായാണ് ഓണക്കിറ്റ് നൽകുന്നത്. ഓണക്കിറ്റുകളുടെ വിതരണം നഗരസഭാധ്യക്ഷ ഡോ.കെ.വി.ഫിലോമിന ഉദ്ഘാടനം ചെയ്തു. വാർഡ് കൗൺസിലർ കെ വി കുഞ്ഞിരാമൻ, സ്റ്റാൻഡിംഗ് കമ്മിറ്റി ചെയർമാൻ പി.പി.ചന്ദ്രാംഗതൻ, വാർഡ് വികസന സമിതി കൺവീനർ പി.വി.ജയൻ, അംഗങ്ങളായ എം.പ്രകാശൻ, കെ.കെ.സുരേഷ്, ജയശ്രീ കൃഷ്ണൻകുട്ടി, എ.കെ.പ്രിയ, ഷീജ അശോകൻ, ഗീത മനോഹരൻ, സുനിത ബാബു, കെ.പി.തങ്കമണി, തുടങ്ങിയവർ നേതൃത്വം നൽകി.  🔹 റിപ്പോർട്ടർ: തോമസ് അയ്യങ്കനാൽ