ശ്രീകണ്ഠാപുരം വാർത്തകൾ

ശ്രീകണ്ഠപുരം നഗരസഭ കുടുംബശ്രീ സി ഡി എസ് ന്റെ ആഭിമുഖ്യത്തിൽ നടത്തുന്ന ഓണം വിപണന മേള ശ്രീകണ്ഠപുരം നഗരസഭ അധ്യക്ഷ ഡോ കെ വി ഫിലോമിന ടീച്ചർ ഉദ്ഘാടനം ചെയ്തു. വൈസ് ചെയർമാൻ കെ ശിവദാസൻ അധ്യക്ഷത വഹിച്ചു. സി ഡി എസ് ചെയർപേഴ്സൺ എ ഓമന സ്വാഗതം പറഞ്ഞ പരിപാടിയിൽ നഗരസഭ സ്ഥിരം സമിതി അധ്യക്ഷൻമാരായ കെ.സി ജോസഫ് കൊന്നക്കൽ, പി.പി ചന്ദ്രാഗദൻ മാസ്റ്റർ, ജോസഫിന വർഗീസ്, വി പി നസീമ, ത്രേസ്യാമ്മ മാത്യു, കൗൺസിലർ മാരായ കെ വി കുഞ്ഞിരാമൻ, കെ വി ഗീത, കെ ഒ പ്രേദീപൻ, ഹെൽത്ത് ഇൻസ്പെക്ടർ വി പ്രേമരാജൻ, തുടങ്ങിയവർ ആശംസകൾ അറിയിച്ച് സംസാരിച്ചു. സി ഡി എസ് വൈസ് ചെയർപേഴ്സൺ രജിത ടി പി ചടങ്ങിന് നന്ദി പറഞ്ഞു. കുടുംബശ്രീ അംഗങ്ങളുടെ നേതൃത്വത്തിൽ നടത്തിയ കാർഷിക ഉത്പന്നങ്ങളും, കുടുംബശ്രീ ഉൽപ്പന്നങ്ങളും അടക്കം നിരവധി നിത്യോപയോഗ സാധനങ്ങൾ വിപണിയിൽ എത്തിച്ചേർന്നിട്ടുണ്ട്. സെപ്റ്റംബർ ഒന്നു മുതൽ നാലു വരെയാണ് കുടുംബശ്രീ ഓണം വിപണി പ്രവർത്തിക്കുന്നത്.