ശ്രീകണ്ഠാപുരം വാർത്തകൾ

പയ്യാവൂർ: പൈസക്കരി മേഖല മാതൃവേദി നേതൃസംഗമം ‘ജ്വാല 2025’ ചുണ്ടപ്പറമ്പ് സെന്റ് ആന്റണീസ് പാരിഷ് ഹാളിൽ നടന്നു. പൈസക്കരി ഫൊറോന വികാരി ഫാ.നോബിൾ ഓണംകുളം ഉദ്ഘാടനം ചെയ്തു. മാതൃവേദി മേഖല പ്രസിഡൻ്റ് റീന കൈതക്കൽ അധ്യക്ഷത വഹിച്ചു. മേഖല ഡയറക്ടർ റവ.ഡോ.ജേക്കബ് വെണ്ണായപ്പിള്ളിൽ ആമുഖ പ്രഭാഷണം നടത്തി. അതിരൂപത അനിമേറ്റർ സിസ്റ്റർ ലിന്റ സിഎച്ച്എഫ്, മാതൃവേദി മേഖല സെക്രട്ടറി ശ്രീജ എട്ടൊന്നിൽ, ട്രഷറര്‍ നിത്യ ആദംപറമ്പിൽ, ചുണ്ടപ്പറമ്പ് യൂണിറ്റ് ആനിമേറ്റർ സിസ്റ്റർ നാൻസി എൻഎസ്, സുജ മാരിപ്പുറത്ത്, മേഖല ആനിമേറ്റർ സിസ്റ്റർ അനിത എഒ എന്നിവർ പ്രസംഗിച്ചു. മാർത്തോമാ നസ്രാണി സമൂഹത്തിന്റെ ചരിത്രവും ശക്തിയും പ്രസക്തിയും എന്ന വിഷയത്തെ ആസ്പദമാക്കി തലശേരി അതിരൂപത ഫാമിലി അപ്പൊസ്തലേറ്റ് ഡയറക്ടർ റവ.ഡോ.ജോബി കോവാട്ട് ക്ലാസെടുത്തു. അമ്മമാർക്കായി നടത്തിയ വിവിധ മത്സരങ്ങളിലെ വിജയികൾക്ക് സമ്മാനങ്ങൾ വിതരണം ചെയ്തു.  പ്രവർത്തനമികവിൽ ചന്ദനക്കാംപാറ, പയ്യാവൂർ, വെമ്പുവ എന്നീ യൂണിറ്റുകൾ യഥാക്രമം ഒന്ന്, രണ്ട്, മൂന്ന് സ്ഥാനങ്ങൾ കരസ്ഥമാക്കി.  വിവിധ കലാപരിപാടികളും അരങ്ങേറി. മേഖലയിലെ 210 അമ്മമാർ സംഗമത്തിൽ പങ്കെടുത്തു. 🔹 റിപ്പോർട്ടർ: തോമസ് അയ്യങ്കനാൽ