ശ്രീകണ്ഠാപുരം വാർത്തകൾ

ശ്രീകണ്ഠപുരം: ഗവൺമെൻ്റ് ഹയർ സെക്കൻ്ററി സ്കൂളിൽ അദ്ധ്യാപക- രക്ഷാകർതൃ സമിതി വാർഷീക പൊതുയോഗവും നവീകരിച്ച ഹാളിൻ്റെ ഉദ്ഘാടനവും നഗരസഭാ ചെയർപേഴ്സൺ ഡോ. കെ വി ഫിലോമിന ടീച്ചർ നിർവ്വഹിച്ചു. നഗരസഭ ആരോഗ്യകാര്യ സ്ഥിരം സമിതി അദ്ധ്യക്ഷ നസീമ വയൽപ്പാത്ത് പുതിയ പുരയിൽ അദ്ധ്യക്ഷത വഹിച്ചു. വിദ്യാഭ്യാസ സ്ഥിരം സമിതി അദ്ധ്യക്ഷ ത്രേസ്യാമ്മ മാത്യു മുഖ്യാതിഥിയായി. കെ പി ഇബ്രാഹിം, സുനിൽ കുമാർ, കെ.പി. ലിഷ, ബീന ഓടത്തിൽ ടിൻ്റോ ജോൺസ്, ഷെസ ഷറഫ് എന്നിവർ സംസാരിച്ചു. പ്രിൻസിപ്പൽ ടി.എം. രാജേന്ദ്രൻ സ്വാഗതവും പ്രധാനാധ്യാപിക എം.വി. ഗീത നന്ദിയും പറഞ്ഞു. കെ അഷ്റഫ് പ്രസിഡൻ്റായും കെ.വി. ബിജുമോൻ വൈസ് പ്രസിഡൻ്റായും പുതിയ എക്സിക്യുട്ടീവ് കമ്മറ്റി തെരഞ്ഞെടുക്കപ്പെട്ടു.