ശ്രീകണ്ഠാപുരം വാർത്തകൾ

ശ്രീകണ്ഠപുരം : ശ്രീകണ്ഠപുരം നഗരസഭയുടെയും കൂട്ടുമുഖം സാമൂഹ്യ ആരോഗ്യകേന്ദ്രത്തിന്റെയും സംയുക്ത ആഭിമുഖ്യത്തിൽ ലോക ഹെപ്പറ്റെറ്റിസ് ദിനാചരണം ശ്രീകണ്ഠപുരം നഗരസഭ അധ്യക്ഷ ഡോ കെ വി ഫിലോമിന ടീച്ചർ നിർവഹിച്ചു. മെഡിക്കൽ ഓഫീസർ വൈശാഖി കെ അധ്യക്ഷത വഹിച്ചു. പന്ന്യാൽ ലിസ്സിഗിരി അംഗൻവാടിയിൽ വെച്ച് ചേർന്ന പരിപാടിയിൽ ഹെൽത്ത്‌ ഇൻസ്‌പെക്ടർ സനൽ കെ സ്വാഗതം പറഞ്ഞു. ഹെപ്പറ്റെറ്റിസിനെ കുറിച്ചും ആരോഗ്യത്തിന് ഹാനികരമായ അതിന്റെ ഫലങ്ങളെക്കുറിച്ചുള്ള അവബോധം വളർത്തുന്നതിനായി ബോധവൽകരണ ക്ലാസ്സ്‌ നടത്തി. ജെ എച്ച് ഐ അജീഷ് കുമാർ എൻ ക്ലാസുകൾ നയിച്ചു. സിന്ധു കെ സി ആശംസകൾ അറിയിച്ച് സംസാരിച്ചു. പരിപാടിക്ക് പാലിയേറ്റീവ് അംഗങ്ങൾ ആശാവർക്കർമാർ തുടങ്ങിയവർ നേതൃത്വം നൽകി. ജെ എച്ച് ഐ ബിജു കെ വി ചടങ്ങിന് നന്ദി പറഞ്ഞു.