ശ്രീകണ്ഠാപുരം വാർത്തകൾ

ശ്രീകണ്ഠപുരം : നഗരസഭയിൽ നമസ്തേ ദിനാചരണത്തിന്റെ ഭാഗമായി നടത്തിയ ബോധവൽക്കരണ ക്ലാസ് നഗരസഭാ ചെയർപേഴ്സൺ ഡോ കെ വി ഫിലോമിന ടീച്ചർ ഉദ്ഘാടനം ചെയ്തു. വൈസ് ചെയർമാൻ കെ ശിവദാസൻ അധ്യക്ഷത വഹിച്ചു. നഗരസഭ സ്ഥിരം സമിതി അധ്യക്ഷന്മാരായ പി പി ചന്ദ്രാഗദൻ, ജോസഫിന വർഗീസ്, ഹെൽത്ത് ഇൻസ്പെക്ടർ വി പ്രേമരാജൻ തുടങ്ങിയവർ ആശംസകൾ അറിയിച്ച് സംസാരിച്ചു. യന്ത്ര വൽക്കൃത ശുചിത്വ പ്രവർത്തനങ്ങൾക്കുള്ള ദേശീയ പദ്ധതിയായ നമസ്തേ പദ്ധതിയിൽ ജീവനക്കാരുടെ ആധുനിക രീതിയിലുള്ള സുരക്ഷാ സംവിധാനങ്ങളെ കുറിച്ച് ബോധവൽക്കരണ ക്ലാസ് പബ്ലിക് ഹെൽത്ത് ഇൻസ്പെക്ടർ സതീശൻ പി വി നയിച്ചു. ജെ എച്ച് ഐ അർച്ചന എം സ്വാഗതം പറഞ്ഞ പരിപാടിയിൽ ജെ എച്ച് ഐ ജിഷ കെ നന്ദി പറഞ്ഞു. നഗരസഭ ആരോഗ്യ വിഭാഗം ജീവനക്കാർ പരിപാടിക്ക് നേതൃത്വം നൽകി.