ശ്രീകണ്ഠാപുരം വാർത്തകൾ

കളമശേരി : കൊച്ചി സയൻസ് ആൻഡ് ടെക്നോളജി സർവകലാശാലയിലെ (കുസാറ്റ്) രണ്ടു പ്രമുഖ അധ്യാപകർക്ക് അന്താരാഷ്ട്ര അംഗീകാരം. പോളാർ സയൻസ് സെന്റർ ഡയറക്ടർ പ്രൊഫസർ മുഹമ്മദ്ഹാത്തയും, മറൈൻ ബയോളജി, മൈക്രോബയോളജി ആൻഡ് ബയോകെമിസ്ട്രി വിഭാഗം തലവൻ പ്രൊഫസർ ടി.പി. സജീവനും ചൈനയിലെ പ്രശസ്തമായ ഷാങ്ഹായ് ജിയാവോ ടോങ് സർവകലാശാലയിലെ അന്താരാഷ്ട്ര ട്യൂട്ടർമാരായി ക്ഷണിക്കപ്പെട്ടത്. ഇന്റർനാഷണൽ സെൻറർ ഫോർ ഡീപ് ലൈഫ് ഇൻവെസ്റ്റിഗേഷൻ (ICDLI) സംഘടിപ്പിക്കുന്ന സമ്മർ സ്കൂളിലേക്കാണ് ഈ ക്ഷണം. ജൂലൈ 21 വരെ നീളുന്ന ഈ ശാസ്ത്രീയ സ്കൂളിൽ ഡീപ് ബയോസ്ഫിയർ, മൈക്രോബിയൽ ലൈഫ് സയൻസ് തുടങ്ങിയ മേഖലകളിൽ അറിവ് കൈമാറ്റം, ഗവേഷണ സഹകരണം തുടങ്ങിയവ ലക്ഷ്യമാക്കി വിവിധ രാജ്യങ്ങളിൽ നിന്നുള്ള ശാസ്ത്രജ്ഞരും ഗവേഷകരും പങ്കെടുക്കുന്നു. ഇത്, കുസാറ്റിന്റെ അന്താരാഷ്ട്ര ഗവേഷണ മേഖലകളിൽ നിലനില്പിനും സ്വാധീനത്തിനും വലിയ അംഗീകാരമായി കണക്കാക്കപ്പെടുന്നു. പ്രൊഫ.സജീവൻ ടി. പി. ചെങ്ങളായി തവറൂൽ സ്വദേശി ആണ്.