ശ്രീകണ്ഠാപുരം വാർത്തകൾ

പയ്യാവൂർ: കത്തോലിക്ക കോൺഗ്രസ് പെരിങ്ങാല യൂണിറ്റ്, ആലക്കോട് ഹോമിയോ ഡിസ്പെൻസറി എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച മഴക്കാല രോഗ പ്രതിരോധ ബോധവത്കരണ ക്യാമ്പ് പെരിങ്ങാല സെൻ്റ് ജൂഡ് പള്ളി ഓഡിറ്റോറിയത്തിൽ നടന്നു. കത്താേലിക്കാ കോൺഗ്രസ് തലശേരി അതിരൂപത സെക്രട്ടറി ജെയിംസ് ഇമ്മാനുവലിന് രോഗ പ്രതിരോധ ഹോമിയോ മരുന്ന് നൽകി ഇടവക വികാരി ഫാ.മാത്യു കായമ്മാക്കൽ ക്യാമ്പ് ഉദ്ഘാടനം ചെയ്തു. കാത്തോലിക്ക കോൺഗ്രസ്‌ അതിരൂപത പ്രസിഡന്റ്‌ ഫിലിപ്പ് വെളിയത്ത് അധ്യക്ഷത വഹിച്ചു.  സിസ്റ്റർ ജെയിനി, ജോസ് ജോസഫ്, സാജു കാരാടിയിൽ, സാബു ജോൺ എന്നിവർ പ്രസംഗിച്ചു. ഹോമിയോ മെഡിക്കൽ ഓഫിസർ ഡോ.ജാസ്മിൻ ജോസ് രോഗ പ്രതിരോധ ബോധവത്കരണ ക്ലാസിന് നേതൃത്വം നൽകി.    ⭕ റിപ്പോർട്ടർ: തോമസ് അയ്യങ്കനാൽ