ശ്രീകണ്ഠാപുരം വാർത്തകൾ

പയ്യാവൂർ: വളത്തിൻ്റെയും കീടനാശിനികളുടെയും അമിതമായ വിലവർധനവ് ഉടൻ പിൻവലിക്കണമെന്നും, കർഷകർ ഏറ്റവും അധികം ഉപയോഗിക്കുന്ന യൂറിയ ഉൾപ്പെടെയുള്ള വളങ്ങൾക്ക് നൽകിയിരുന്ന സബ്സിഡി ഗണ്യമായി കുറച്ചത് പുനസ്ഥാപിക്കണമെന്നും പയ്യാവൂർ പുളുക്കൂൽ കുഞ്ഞിരാമൻ സ്മാരക മന്ദിരത്തിൽ ചേർന്ന കേരള കർഷക സംഘം പയ്യാവൂർ  വില്ലേജ് സമ്മേളനം ആവശ്യപ്പെട്ടു.  കർഷക സംഘം കണ്ണൂർ ജില്ലാ കമ്മിറ്റിയംഗം പി.വി.ബാബുരാജ് സമ്മേളനം ഉദ്ഘാടനം ചെയ്തു. പി.സി.ജെയിംസ് അധ്യക്ഷത വഹിച്ചു., എം.സി.നാരായണൻ, കെ.പി.കുമാരൻ, ജിൽസൺ ആന്റണി, സാജു സേവ്യർ എന്നിവർ പ്രസംഗിച്ചു. ഭാരവാഹികളായി പി സി ജയിംസ്-പ്രസിഡൻ്റ്, ബിജു തളിയിൽ, കെ.ദാസൻ-വൈസ് പ്രസിഡൻ്റുമാർ, ഷൈലേഷ് കുമാർ-സെക്രട്ടറി, കെ.കെ.ഷൈലജ, കെ.ആർ.ഗിരീഷ്-ജോയിൻ്റ് സെക്രട്ടറിമാർ, ടിറ്റി ജോസഫ്- ട്രഷറർ എന്നിവരെ തെരഞ്ഞെടുത്തു.  ▪️ റിപ്പോർട്ടർ: തോമസ് അയ്യങ്കനാൽ