ശ്രീകണ്ഠാപുരം വാർത്തകൾ

പയ്യാവൂർ : 1984 മുതൽ ചന്ദനക്കാംപാറ ഹൈസ്കൂളിൻ്റ അഭിമാനമായി നിലകൊള്ളുന്ന ബാസ്കറ്റ് ബോൾ പരിശീലന കേന്ദ്രത്തിൽ ആൺകുട്ടികൾക്കും പെൺകുട്ടികൾക്കും പ്രത്യേകമായി സംസ്ഥാന സ്പോർട്സ് കൗൺസിലിൻ്റെ ആഭിമുഖ്യത്തിലുള്ള സ്പോർട്സ് ഹോസ്റ്റൽ അനുവദിച്ചു.  എഴ് എട്ട്, ഒമ്പത് ക്ലാസുകളിലെ ആൺകുട്ടികൾക്കും പെൺകുട്ടികൾക്കും  പരിശീലനത്തിനായുള്ള സെലക്ഷൻ അടുത്തയാഴ്ച കണ്ണൂർ സ്പോർസ് സ്കൂളിൽ നടക്കും. നൂറു കണക്കിന് ദേശീയ, അന്തർദേശീയ ബാസ്കറ്റ് ബോൾ താരങ്ങളെ സൃഷ്ടിച്ചതിലൂടെ പ്രശസ്തി നേടിയ ചന്ദനക്കാംപാറയിൽ നിന്നുള്ള  ഇരുനൂറിൽപരം പേരാണ് ഇതുവരെ കേന്ദ്ര, സംസ്ഥാന  സർക്കാർ തലങ്ങളിലെ ഉയർന്ന സ്ഥാനങ്ങളിൽ ജോലി നേടി ജിവിതം നയിക്കുന്നത്. ചെറുപുഷ്പം സ്പോർട്സ് അക്കാദമിയുടെ ആഭിമുഖ്യത്തിൽ എല്ലാ വർഷവും അഖില കേരള പുരുഷ, വനിത ബാസ്കറ്റ്ബോൾ ടൂർണമെൻ്റുകൾ നടത്തി വരുന്ന ചന്ദനക്കാംപാറയിൽ അനുവദിച്ചിരിക്കുന്ന സ്പോർട്സ് ഹോസ്റ്റൽ മലയോര മേഖലക്കാകെ അഭിമാനം പകരുന്നതാണ്.  ▪️ റിപ്പോർട്ടർ: തോമസ് അയ്യങ്കനാൽ