ശ്രീകണ്ഠാപുരം വാർത്തകൾ

ചെങ്ങളായി: കേര സമൃദ്ധി പദ്ധതി പ്രകാരം സബ്‌സിഡി നിരക്കിൽ വിതരണം ചെയ്യുന്ന ഹൈബ്രിഡ് തെങ്ങിൻ തൈകളുടെ വിതരണ ഉദ്ഘാടനം ചെങ്ങളായി ഗ്രാമപഞ്ചായത്ത് പ്രസിഡണ്ട് വി.പി. മോഹനൻ നിർവഹിച്ചു.ഈ വർഷം ചെങ്ങളായി പഞ്ചായത്തിൽ സമ്പൂർണ്ണ തെങ്ങ് സംരക്ഷണത്തിന് വിവിധ പദ്ധതികൾ നടപ്പിലാക്കുമെന്ന് ഉദ്ഘാടനച്ചടങ്ങിൽ അദ്ദേഹം അറിയിച്ചു. “കല്പരക്ഷ” എന്ന പേരിൽ തെങ്ങിന്റെ കൂമ്പു ചീയൽ രോഗത്തിനെതിരെ പ്രതിരോധ നടപടികൾക്കായി ആവശ്യമായ ഫണ്ടുകൾ ഈ സാമ്പത്തിക വർഷത്തിനുള്ളിൽ തന്നെ വകയിരുത്തിയതായി പ്രസിഡണ്ട് അറിയിച്ചു.ചടങ്ങിൽ കൃഷിഭവൻ ഉദ്യോഗസ്ഥരും പഞ്ചായത്തിലെ കർഷകരും പങ്കെടുത്തു.