ശ്രീകണ്ഠാപുരം വാർത്തകൾ

മലപ്പട്ടം അടിച്ചേരിയിൽ പന്നിയോട്ട് വയൽ ബസ്സ് സ്റ്റോപ്പിനടുത്ത് താമസിക്കുന്ന പി.വി. മോഹനൻ എന്നവരുടെ 17 കോൽ ആഴമുള്ള കിണറാണ് ഇന്നലെ രാത്രിയിൽ ഇടിഞ്ഞ് താഴ്ന്നത്. ഇന്നലെ വൈകിട്ട് വരെ ഉപയോഗിച്ച കിണറാണ് ഇല്ലാതായത്. കിണറിൽ സ്ഥാപിച്ച മോട്ടോർ പൂർണ്ണമായും ചളിയിലമർന്നിട്ടുണ്ട്. ഏകദേശം ഒരു ലക്ഷത്തി അൻപതിനായിരത്തിലധികം രൂപയുടെ നഷ്ടം കണക്കാക്കുന്നു. സംഭവമറിഞ്ഞ് കിണർ കാണുന്നതിനായി നിരവധി പേർ എത്തുന്നുണ്ട്. കർഷക സംഘം നേതാക്കൾ സ്ഥലം സന്ദർശിച്ചു.