ശ്രീകണ്ഠാപുരം വാർത്തകൾ

പയ്യാവൂർ: ചുണ്ടക്കുന്ന് ഗോകുലം എൻഎസ്എസ് കരയോഗം വാർഷിക സമ്മേളനവും ഭരണസമിതി തെരഞ്ഞെടുപ്പും എൻഎസ്എസ് തളിപ്പറമ്പ് താലൂക്ക് യൂണിയൻ വൈസ് പ്രസിഡന്റ് മധു തൊട്ടിയിൽ ഉദ്ഘാടനം ചെയ്തു. ആദ്യകാല കുടിയേറ്റ മേഖലയിലേക്കുള്ള മേജർ ഡിസ്ട്രിക്ട് റോഡായ കൂട്ടുംമുഖം-ചുണ്ടക്കുന്ന്-ചെമ്പേരി റോഡിന് മാറിമാറി വന്ന സർക്കാറുകൾ യാതൊരു പ്രാധാന്യവും നൽകിയില്ലെന്നും ഈ റോഡിന്റെ പുനരുദ്ധാരണ പ്രവൃത്തിക്കാവശ്യമായ നടപടി സ്വീകരിക്കണമെന്നും സർക്കാരിനോട് ആവശ്യപ്പെട്ടു. സതീശൻ തൊട്ടിയിൽ അധ്യക്ഷത വഹിച്ചു. ബാലകൃഷ്ണൻ ആമുഖ പ്രഭാഷണം നടത്തി. കെ.എസ്.സജി, ഗീത രവീന്ദ്രൻ, ശൈലജ കോയിപ്പറമ്പത്ത് എന്നിവർ പ്രസംഗിച്ചു. താലൂക്ക് യൂണിയൻ സെക്രട്ടറി ചന്ദ്രബാബു തെരഞ്ഞെടുപ്പ് നടപടികൾ പൂർത്തിയാക്കി. ഭാരവാഹികൾ: ടി.ആർ.രാഹുൽ-പ്രസിഡൻ്റ്, ശൈലജ കോഴിപ്പറമ്പത്ത്- സെക്രട്ടറി, ശൈലജ സതീശൻ- ട്രഷറർ.  ▪️ റിപ്പോർട്ടർ: തോമസ് അയ്യങ്കനാൽ