ശ്രീകണ്ഠാപുരം വാർത്തകൾ

കുടിയാന്മല: കേരള വ്യാപാരി വ്യവസായി ഏകോപന സമിതി (കെവിവിഇഎസ്) കുടിയാന്മല യൂണിറ്റിൻ്റെ വാർഷിക സമ്മേളനവും നവീകരണം പൂർത്തിയാക്കിയ കോൺഫറൻസ് ഹാളിൻ്റെ ഉദ്ഘാടനവും കുടിയാന്മല വ്യാപാര ഭവനിൽ നടന്നു. ഇതാേടൊപ്പം എസ്എസ്എൽസി പരീക്ഷയിൽ സമ്പൂർണ വിജയം നേടിയ കുടിയാന്മല മേരി ക്യൂൻസ് ഹൈസ്കൂളിനെയും എസ് എസ്എൽസി, പ്ലസ് ടു പരീക്ഷകളിൽ ഉന്നത വിജയം കരസ്ഥമാക്കിയ വിദ്യാർത്ഥികളെയും അനുമോദിച്ചു. തലശേരി അതിരൂപതയുടെ മാർ വള്ളോപ്പിള്ളി എക്സലൻസ് അവാർഡ്‌ ജേതാവായ കുടിയാന്മല ഫാത്തിമ യുപി സ്കൂൾ മുഖ്യാധ്യാപിക ഇ.ജെ. ലൈലയെ ഉപഹാരം നൽകി ആദരിച്ചു. കെവിവിഇഎസ് സംസ്ഥാന ജനറൽ സെക്രട്ടറി ദേവസ്യ മേച്ചേരി ഉദ്ഘാടനം നിർവഹിച്ചു. കുടിയാന്മല യൂണിറ്റ് പ്രസിഡൻ്റ് പി.ഡി. ബെന്നി അധ്യക്ഷത വഹിച്ചു. യുണിറ്റ് ജനറൽ സെക്രട്ടറി പി.പി.ഷിബു ആമുഖ പ്രഭാഷണം നടത്തി. കുടിയാന്മല ഫാത്തിമ മാതാ പള്ളി വികാരി ഫാ.പോൾ വള്ളോപ്പിള്ളി, കെവിവിഇഎസ്ശ്രീകണ്ഠപുരം മേഖല പ്രസിഡൻ്റ് ജോർജ് തോണിയ്ക്കൽ എന്നിവർ വിശിഷ്ടാതിഥികളായിരുന്നു.ഏരുവേശി ഗ്രാമപഞ്ചായത്ത് സ്ഥിരം സമിതി അധ്യക്ഷ ഷൈല ജോയി, മേരി ക്യൂൻസ് ഹൈസ്കൂൾ മുഖ്യാധ്യാപകൻ സുനിൽ ജോസഫ്, ഇ.ജെ.ലൈല, ഷാബി ഈപ്പൻ,ബെന്നി മീമ്പുഴ, തോമസ് മാമ്പുഴ, യൂണിറ്റ് ട്രഷറർ ഗണേഷ് ബാബു എന്നിവർ സംസാരിച്ചു.  ▪️ റിപ്പോർട്ടർ: തോമസ് അയ്യങ്കനാൽ