ശ്രീകണ്ഠാപുരം വാർത്തകൾ

പയ്യാവൂർ. വണ്ണായിക്കടവ് കാരുണ്യ സ്വയം സഹായ സംഘത്തിന്റെ ആഭിമുഖ്യത്തിൽ യോഗ പരിശീലന കളരി ആരംഭിച്ചു. ഉത്തര മലബാറിലെ പ്രശസ്ത യോഗ ഗുരുവും ചിത്രകാരനുമായ തോമസ് കാളിയാനി ഉദ്ഘാടനം നിർവഹിച്ചു. ജീവിതശൈലി രോഗങ്ങളിൽ നിന്ന് മുക്തി നേടാനും ആധുനിക ജീവിതത്തിന്റെ ഭാഗമായ മാനസിക പിരിമുറുക്കങ്ങൾ ഒഴിവാക്കാനും യോഗ പരിശീലനം വഴി സാധ്യമാകുമെന്ന് അദ്ദേഹം പറഞ്ഞു. ബിനു മണ്ഡപത്തിൽ അധ്യക്ഷത വഹിച്ചു. ഷിജു കുന്നുമ്മൽ, ബേബി പുളിക്കൽ എന്നിവർ പ്രസംഗിച്ചു. കാരുണ്യ കുടുംബാംഗങ്ങളടക്കം അമ്പതോളം പേർ ഉദ്ഘാടന ചടങ്ങിൽ പങ്കെടുത്തു.    ▪️ റിപ്പോർട്ടർ: തോമസ് അയ്യങ്കനാൽ