ശ്രീകണ്ഠാപുരം വാർത്തകൾ

പയ്യാവൂർ: കോൺഗ്രസ് പയ്യാവൂർ മണ്ഡലം കമ്മിറ്റിയുടെ ആഭിമുഖ്യത്തിൽ വാർഡ്, ബൂത്ത് പ്രസിഡൻ്റ്മാർ, ബിഎൽഎമാർ എന്നിവർക്കായി സംഘടിപ്പിച്ച തെരഞ്ഞെടുപ്പ് മുന്നൊരുക്ക പരിശീലന കളരി പയ്യാവൂർ ഇന്ദിരാഭവനിൽ നടന്നു. കോൺഗ്രസ് ബ്ലോക്ക് പ്രസിഡൻ്റ് എ.ജെ.ജോസഫ് ഉദ്ഘാടനം ചെയ്തു. കോൺഗ്രസ് മണ്ഡലം പ്രസിഡൻ്റ് ഇ.കെ.കുര്യൻ അധ്യക്ഷത വഹിച്ചു. കോൺഗ്രസ് ബ്ലോക്ക് ജനറൽ സെക്രട്ടറി അഗസ്റ്റിൻ വേങ്ങക്കുന്നേൽ, യൂത്ത് കോൺഗ്രസ് നേതാവ് രഞ്ജി അറബി എന്നിവർ ക്ലാസ് നയിച്ചു. കെ.വി.ഫ്രാൻസിസ്, ഡെയ്സി മഞ്ഞനാൽ, കുര്യാച്ചൻ മുണ്ടയ്ക്കൽ, കുര്യാക്കോസ് തെരുവത്ത്, സൈമൺ പെരുവക്കുന്നേൽ, പയസ് ചക്കാങ്കൽ എന്നിവർ പ്രസംഗിച്ചു.      ▪️ റിപ്പോർട്ടർ: തോമസ് അയ്യങ്കനാൽ