ശ്രീകണ്ഠാപുരം വാർത്തകൾ

ചെമ്പേരി: നാടിന്റെ അത്യാവശ്യ ഘട്ടങ്ങളിൽ സേവന സജ്ജരായി പ്രവർത്തിച്ചു വരുന്ന ‘നന്മ’ സന്നദ്ധ സേനയിലെ അംഗങ്ങൾ ചേർന്ന് ചെമ്പേരി-വളയംകുണ്ട്-ചുണ്ടക്കുന്ന്- കൂട്ടുംമുഖം-ശ്രീകണ്ഠപുരം  റോഡിന്റെ ഇരുവശങ്ങളിലും ഗതാഗതത്തിന് തടസമായി വളർന്ന കാടുകൾ വെട്ടിമാറ്റി വഴിയോരം വൃത്തിയാക്കി. ജൽജീവൻ മിഷന്റെ പൈപ്പുകളിടാൻ റോഡിന്റെ ഓരം ചേർന്ന് കുഴിച്ചയിടങ്ങളിൽ രൂപപ്പെട്ട വലിയ ഗർത്തങ്ങളിൽ കല്ലുകൾ നിറച്ച് നിലവിലുണ്ടായിരുന്ന അപകടാവസ്ഥയും ഇല്ലാതാക്കി.  നന്മയുടെ നാൽപതോളം പ്രവർത്തകരാണ് ശ്രമദാനത്തിൽ പങ്കെടുത്തത്. സണ്ണി ഓരത്തേൽ, സിജോ കടുകൻമാക്കൽ, സാജു പുലിയുറുമ്പിൽ, ജെയ്സൺ നെല്ലിക്കാത്തടത്തിൽ, ജോബി നെടുംന്താനം, ജിമ്മി പുതിയിടത്തുപറമ്പിൽ എന്നിവർ നേതൃത്വം നൽകി.  ▪️ റിപ്പോർട്ടർ: തോമസ് അയ്യങ്കനാൽ