ശ്രീകണ്ഠാപുരം വാർത്തകൾ

ചെമ്പന്തൊട്ടി സെന്റ് ജോർജ് ഹൈസ്‌കൂളിൽ ഈ വർഷത്തെ വിജയോത്സവം ‘എക്സിമിയ 2025’  ശ്രീകണ്ഠപുരം നഗരസഭാധ്യക്ഷ ഡോ.കെ.വി.ഫിലോമിന ഉദ്ഘാടനം ചെയ്തു. സ്കൂൾ ഓഡിറ്റോറിയത്തിൽ നടന്ന ചടങ്ങിൽ വിവിധ ക്ലബ്‌ ഭാരവാഹികളുടെ സ്ഥാനരോഹണം നഗരസഭ പൊതുമരാമത്ത് സ്ഥിരം സമിതി അധ്യക്ഷൻ കെ.സി. ജോസഫ് കൊന്നയ്ക്കൽ നിർവഹിച്ചു. പിടിഎ പ്രസിഡന്റ് സജി അടവിച്ചിറ അധ്യക്ഷത വഹിച്ചു. സ്കൂൾ മാനേജർ ഫാ.ആന്റണി മഞ്ഞളാംകുന്നേൽ അനുഗ്രഹഭാഷണം നടത്തി. മുൻ മുഖ്യാധ്യാപകൻ ബിജു സി.ഏബ്രഹാം വിശിഷ്ടാതിഥിയായിരുന്നു. സോയി ജോസഫ്, കെ.വി.രാജേഷ്, വി.എം.തോമസ്, നിർമൽ സെബാസ്റ്റ്യൻ, ഷീജ പുഴക്കര, ജോയ്സ് സഖറിയാസ്, വിദ്യാർത്ഥി പ്രതിനിധികളായ അൽജോ വിജു, ഡാനി സെബാസ്റ്റ്യൻ എന്നിവർ പ്രസംഗിച്ചു. എസ്എസ്എൽസി, ലിറ്റിൽ കൈറ്റ്സ്, എൻഎൻഎംഎസ് വിജയികളെ ചടങ്ങിൽ അനുമോദിച്ചു. വിവിധ കലാപരിപാടികളും നടന്നു.    ▪️ റിപ്പോർട്ടർ: തോമസ് അയ്യങ്കനാൽ