ശ്രീകണ്ഠാപുരം വാർത്തകൾ

ശ്രീകണ്ഠപുരം: കെപിസിസിയുടെ നിർദ്ദേശപ്രകാരം കോൺഗ്രസ് ശ്രീകണ്ഠപുരം ബ്ലോക്ക് കമ്മിറ്റിയുടെ ആഭിമുഖ്യത്തിൽ ബൂത്ത്, വാർഡ് പ്രസിഡൻ്റുമാർക്കും ബിഎൽഎമാർക്കുമായി സംഘടിപ്പിച്ച തെരഞ്ഞെടുപ്പ് മുന്നാെരുക്ക പരിശീലന ക്യാമ്പ് ‘മിഷൻ 2025’ ശ്രീകണ്ഠപുരം ഇന്ദിരാ ഭവനിൽ നടന്നു. സജീവ് ജോസഫ് എംഎൽഎ ക്യാമ്പ് ഉദ്ഘാടനം ചെയ്തു. കോൺഗ്രസ് ബ്ലോക്ക് കമ്മിറ്റി പ്രസിഡൻ്റ് ഇ.വി.രാമകൃഷ്ണൻ അധ്യക്ഷത വഹിച്ചു. എം.പി.മോഹനൻ ആമുഖ പ്രഭാഷണം നടത്തി. ക്യാമ്പിൽ പങ്കെടുത്തവർക്ക് ശ്രീകണ്ഠപുരം നഗരസഭാധ്യക്ഷ ഡോ.കെ.വി. ഫിലോമിന സർട്ടിഫിക്കറ്റുകൾ വിതരണം ചെയ്തു, കണ്ണൂർ ഡിസിസി ജനറൽ സെക്രട്ടറിമരായ കെ.പി.ഗംഗാധരൻ, ജോഷി കണ്ടത്തിൽ, മണ്ഡലം പ്രസിഡൻ്റുമാരായ എൻ.ജെ.സ്റ്റീഫൻ, ജിയോ ജേക്കബ്, പി.ബാലകൃഷ്ണൻ, രാജ്കുമാർ എന്നിവർ പ്രസംഗിച്ചു. കെപിസിസി പരിശീലന സംഘാംഗങ്ങളായ പി.വി.ജയൻ, പ്രജീഷ് കൃഷണൻ എന്നിവർ ക്ലാസുകൾ നയിച്ചു.  ▪️ റിപ്പോർട്ടർ: തോമസ് അയ്യങ്കനാൽ