ശ്രീകണ്ഠാപുരം വാർത്തകൾ

ശ്രീകണ്ഠപുരം: ലോക പരിസ്ഥിതി ദിനാചരണത്തിന്റെ ഭാഗമായി ശ്രീകണ്ഠാപുരം യങ്ങ് മൈൻഡ്സ് ക്ലബ്ബ് ശ്രീകണ്ഠാപുരം മുൻസിപ്പാലിറ്റി പരിധിയിലെ പൊതുസ്ഥലങ്ങളിൽ 101 പല വൃക്ഷത്തൈകൾ നട്ടുപിടിപ്പിക്കുന്നത്തിന്റെ ഔപചാരികമായ ഉദ്ഘാടനം കാവുമ്പായി ഗവൺമെന്റ് എൽ പി സ്കൂൾ പരിസരത്ത് യങ്ങ് മൈൻഡ്സ് ക്ലബ്ബ് ഡിസ്ട്രിക്ട് ഗവർണർ കെ വി പ്രശാന്ത് വൃക്ഷത്തൈ നട്ട് ഉദ്ഘാടനം ചെയ്തു. ക്ലബ്ബ് പ്രസിഡന്റ് കെ വി ഗോപിയുടെ അധ്യക്ഷതയിൽ ചേർന്ന മീറ്റിംഗിൽ സ്കൂൾ ഹെഡ്മിസ്ട്രസ് ഗീത ടീച്ചർ മുഖ്യാതിഥി ആയിരുന്നു. ഡിസ്ട്രിക്ട് സെനെറ്റർ ജോർജ് ജോസഫ്, ഡിസ്ട്രിക്ട് ക്യാബിനറ്റ് അംഗം വിനോദ് കുമാർ എന്നിവർ സംസാരിച്ചു. ക്ലബ്ബ് ട്രഷറർ രാമചന്ദ്രൻ പി വി സ്വാഗതവും, സീനിയർ മെമ്പർ വി കെ അനന്തൻ നന്ദിയും പറഞ്ഞു.